22 jyl buryn kisi óltirip, qashyp júrgen kúdikti Daǵystannan tabyldy
« Іzdestirý sharalaryn júrgizý barysynda Pavlodar oblysynyń jedel qyzmetkerleri Reseı Federatsııasynyń Daǵystan Respýblıkasynyń Kaspıı qalasynan Pavlodar oblysynyń Ekibastuz qalasynda kisi óltirdi degen kúdikpen izdestirilip jatqan 41 jastaǵy er adamdy ustady. Ustalǵan azamat qamaýǵa alyndy « ,- dedi Pavlodar oblystyq polıtsııa departamentiniń bastyǵy Nurlan Másimov.
Polıtsııa naqtylaǵandaı, 1999 jyldyń 4 sáýiri saǵat 19.00-de Ekibastuz qalasyndaǵy Lomonosov kóshesindegi úıdiń kireberisinde 19 jasar jas jigit oq atatyn qarýdy qoldanyp, Ekibastuz qalasynyń 36 jastaǵy turǵynyn óltirgen.
Atalǵan fakti boıynsha Qylmystyq kodekstiń 96-baby 2-tarmaǵy 3-bóligi boıynsha qylmystyq is qozǵaldy.
Kúdikti er adam tergeý organdarynan jasyrynǵandyqtan oǵan izdeý jarııalandy.
Tergeý barysynda 1999 jyly kúdiktiniń tanystarymen birge birqatar aýyr qylmystar jasaǵandyǵy anyqtaldy: urlyq, tórt qaraqshylyq shabýyl jáne kisi óltirý.
Jyl basynan beri quqyq qorǵaý organdarynyń kúshimen 98 qylmyskerdiń mekenjaıy anyqtaldy.
Aıta keteıik, krımınaldyq polıtsııanyń sot tóreligi organdarynan jasyrynǵan jáne habar-osharsyz ketken adamdardy izdestirý boıynsha jumysy turaqty negizde júrgiziledi jáne ári jalǵasady.