22 jeltoqsan. Tulǵalar týǵan kún
69 jyl buryn (1954) «QazaqGaz» UK» AQ táýelsiz dırektory, Qazaqstannyń memleket jáne saıası qaıratkeri Omarhan Nurtaıuly ÓKSІKBAEV dúnıege keldi.
Almaty oblysynda týǵan. 1975 jyly Almaty halyq sharýashylyǵy ınstıtýtyn «ekonomıst» mamandyǵy boıynsha bitirdi. 1991 jyly Frantsııada (Parıjde) «Naryqtyq ekonomıkadaǵy aýdıtorlyq qyzmet» mamandyǵy boıynsha bilim aldy. Ekonomıka ǵylymdarynyń doktory.
Eńbek joly: 1975-1976 jyldary Almaty oblystyq qarjy basqarmasynda aǵa ekonomıst, 1976-1977 jyldary GDR-daǵy Keńes áskerleri tobynyń quramynda áskerı qyzmetker, 1977-1979 jyldary Almaty oblystyq qarjy basqarmasynda aǵa ekonomıst, 1979-1984 jyldary Almaty oblysy Balqash aýdanynyń «Tyńǵa 25 jyl» keńsharynda bas ekonomıst, Almaty oblystyq sýarmaly jerlerdi ıgerý basqarmasynyń josparlaý-ekonomıka bóliminiń bastyǵy qyzmetinde boldy. 1984-1992 jyldary Qarjy mınıstrliginiń aǵa baqylaýshy-tekserýshisi, bas baqylaýshy-tekserýshisi, uıymdastyrýshylyq-ınspektorlyq bólim bastyǵy, basqarma bastyǵynyń orynbasary, 1992-1996 jyldary QR Memlekettik qarjylyq baqylaý komıtetiniń basqarma bastyǵy, alqa múshesi, 1996 jyly QR Qarjy mınıstrliginiń Memleketaralyq qatynastar basqarmasynyń bastyǵy, 1996-1998 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi, 1998-2000 jyldary QR Sybaılas jemqorlyqqa qarsy kúres jónindegi memlekettik komıssııasynyń múshesi, 2000-2002 jyldary QR Qaýipsizdik Keńesi Hatshysynyń orynbasary, 2002 jyly QR Prezıdenti Ákimshiliginiń Bas baqylaý ınspektsııasynyń basshysy qyzmetterin atqardy. 2002-2003 jyldary QR Qaýipsizdik keńesiniń hatshysy, 2003-2012 jyldary Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy bolyp qyzmet atqardy. 2012-2016 jyldary besinshi shaqyrylǵan Qazaqstan Respýblıkasy Parlamenti Májilisiniń depýtaty, «Nur Otan» Halyqtyq-Demokratııalyq partııasynyń partııalyq tizim boıynsha saılanǵan múshesi, 2016-2021 jyldary QR Parlament Májilisiniń altynshy shaqyrylym depýtaty, Qarjy jáne bıýdjet komıtetiniń múshesi boldy.
«Qurmet» ordenimen (2004), «Qazaqstan Respýblıkasynyń táýelsizdigine 10 jyl» (2001), «Tyńǵa 50 jyl» (2004), «Qazaqstan Respýblıkasynyń Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl» (2011) merekelik medaldarmen, III dárejeli «Qarjy saqshysy» vedomstvolyq medalimen (2011), «Parasat» ordenimen (2012), II dárejeli «Qarjy saqshysy» vedomstvolyq medalimen (2012), I dárejeli «Qarjy saqshysy» vedomstvolyq medalimen (2014) marapattalǵan.
59 jyl buryn (1964) Aqmola oblysynyń ákimi Marat Muratuly AHMETJANOV dúnıege keldi.
Qaraǵandy oblysynda týǵan. 1991 jyly E. Bóketov atyndaǵy Qaraǵandy memlekettik ýnıversıtetiniń zań fakýltetin bitirgen.
1991-2012 jyldary prokýratýra, ádilet organdarynda, memlekettik tergeý komıtetinde qyzmet etken. Pavlodar jáne Ońtústik Qazaqstan oblystarynyń prokýrory, Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esep jónindegi komıtetiniń tóraǵasy bolyp qyzmet atqarǵan. 2012-2014 jyldary QR Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń orynbasary, 2014-2016 jyldary Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń basshysy, 2016 jyly QR Sybaılas jemqorlyqqa qarsy is-qımyl ulttyq bıýrosy Atyraý oblysy boıynsha departamentiniń basshysy, 2016-2021 jyldary QR Bas prokýrorynyń orynbasary, 2021-2022 jyldary QR Sybaılas jemqorlyqqa qarsy is-qımyl agenttiginiń tóraǵasy, TM elderinde Jemqorlyqqa qarsy is-qımyl jónindegi memleketaralyq keńes tóraǵasy, 2022-2023 jyldary QR Іshki ister mınıstri boldy.
Qazirgi qyzmetin 2023 jylǵy qyrkúıek aıynan atqaryp keledi.
«ІІІ dárejeli memlekettik ádilet keńesshisi» synyptyq sheni bar. «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008), «Admıral Kýtýzov» (2003), «300 let Rossııskomý flotý» medaldarymen marapattalǵan.
54 jyl buryn (1969) Qazaqstan Respýblıkasy Konstıtýtsııalyq sotynyń taldaýshysy Balgúl Amangeldiqyzy RAIYSOVA dúnıege keldi.
1993 jyly E. Bóketov atyndaǵy Qaraǵandy Memlekettik Ýnıversıtetiniń zań fakýltetin bitirdi. 1999 jyly Ulybrıtanııada Hardforshır kolledjinde oqydy. 2000 jyly «Ulaǵat» Almaty ýnıversıtetiniń ekonomıka fakýltetin «ekonomıka jáne menedjment» mamandyǵy boıynsha bitirdi. 2016 jyly Geneva Business School Kazakhstan oqý ornyn «áleýmettik júıelerdegi marketıng» mamandyǵy boıynsha támamdady.
Eńbek joly: 1987-1988 jyldary Shymkent qalasy Eńbekshi aýdandyq sotynyń hatshysy, sot otyrysynyń hatshysy, keńse meńgerýshisi, 1994 jyldan Ońtústik Qazaqstan oblystyq advokattar alqasynyń múshesi, 2013 jyly Medıatsııa jáne kelissóz ortalyǵynyń «Áleýmettik áriptestik ortalyǵy» «Samuryq-Qazyna» Korporatıvtik Qorynyń dáriskeri jáne bıznes-treneri, 2013 jyldan «Samuryq-Qazyna» Korporatıvtik Ýnıversıtetiniń dáriskeri jáne bıznes-treneri qyzmetin atqardy. 2013-2015 jyldary medıatsııa salasyndaǵy zańnama jóninde ulttyq sarapshy retinde halyqaralyq uıymdarmen jumys istedi. 2019-2020 jyldary QR Joǵarǵy sot keńesiniń múshesi, 2020-2023 jyldary QR Konstıtýtsııalyq keńesi tóraǵasynyń keńesshisi qyzmetin atqardy.
2006 jyly Qazaqstan advokattar odaǵynyń «Kásipqoılyǵy úshin» medalimen, 2014 jyly Respýblıkalyq advokattar alqasynyń «Advokatýrany damytýǵa qosqan úlesi úshin» medalimen marapattaldy.
53 jyl buryn (1970) Abaı oblysynan saılanǵan Qazaqstan Respýblıkasy Parlamenti Senatynyń depýtaty Aınur Serikbaıqyzy ARǴYNBEKOVA dúnıege keldi.
Semeı qalasynda týǵan. 1994 jyly Semeı memlekettik medıtsına ınstıtýtyn «Emdeý isi», 2003 jyly Almaty qalasyndaǵy «Qaınar» ýnıversıtetin «Quqyqtaný» mamandyǵy boıynsha bitirgen, medıtsına ǵylymdarynyń doktory, professor, Qazaqstan Ulttyq jaratylystaný ǵylymdary Akademııasynyń korrespondent-múshesi, Reseı Jaratylystaný ǵylymdary Akademııasynyń korrespondent-múshesi, Qazaqstan Respýblıkasynyń bilim berý isiniń Qurmetti qyzmetkeri.
Eńbek jolyn 1994 jyly aspırant bolyp bastap, 2013 jylǵa deıin Semeı qalasynyń memlekettik medıtsına ýnıversıtetiniń farmakologııa kafedrasynyń professory boldy. 1999-2022 jyldary Semeı qalasyndaǵy «Qaınar» Joǵary kolledjiniń dırektory, 2012-2022 jyldary Semeı qalasy máslıhatynyń V, VI, VII shaqyrylym depýtaty, 2019-2020 jyldary «Nur Otan» partııasy Semeı qalalyq fılıaly tóraǵasynyń birinshi orynbasary qyzmetterin atqardy. 2011-2020 jyldary «Semeı qalasyndaǵy isker áıelder qaýymdastyǵy» QU fılıalynyń tóraıymy, 2020-2022 jyldary «Semeı qalasyndaǵy Qazaqstan áıelder kúshteri Alıansy» ZTB fılıalynyń tóraıymy boldy.
Qazirgi qyzmetin 2022 jyldyń tamyz aıynan atqaryp keledi.
«Eren eńbegi úshin», «Belsendi qyzmeti úshin» memlekettik marapattarymen, merekelik medaldarmen, QR Prezıdentiniń, QR Memlekettik hatshysynyń, QR Parlamenti Senaty tóraǵasynyń Alǵys hattarymen marapattalǵan.
46 jyl buryn (1977) QR Saýda jáne ıntegratsııa vıtse-mınıstri Janel Sabyrqyzy KÚShІKOVA dúnıege keldi.
Petropavl qalasynda týǵan. M. Qozybaev atyndaǵy Soltústik Qazaqstan ýnıversıtetin támamdaǵan.
Eńbek jolyn 2001 jyly Qazaqstan Respýblıkasy saýda jáne ekonomıka mınıstrliginiń dempıngke qarsy baqylaý jónindegi komıtetiniń ishki naryǵyn qorǵaýda bas sarapshy retinde bastady. 2002-2004 jyldary Qazaqstan Respýblıkasy saýda jáne ındýstrııa mınıstrliginiń sarapshy baqylaýy jáne halyqaralyq qoǵamdastyq, saýda departamenti saıasatynyń tarıftik jáne kedendik bóliminde bas maman bolyp jumys istedi. 2004-2008 jyldary kedendik-tarıftik baǵdarlaý bóliminiń basshysy, 2008-2010 jyldary saýda jáne ındýstrııa mınıstrliginiń syrtqy saıası damý departamentiniń dırektory qyzmetin atqardy. 2010-2019 jyldary Qazaqstan Respýblıkasy Ulttyq ekonomıka mınıstrligi syrtqy saýda saıasatyn damytý departamentiniń dırektory boldy.
Qazirgi qyzmetin 2019 jyldan bastap atqaryp keledi.
41 jyl buryn (1982) QR Bala quqyqtary boıynsha ýákil Dınara Bolatqyzy ZÁKIEVA dúnıege keldi.
Beıjiń Til jáne mádenıet ınstıtýtyn (Qytaı 2001j.), Abaı atyndaǵy Almaty memlekettik ýnıversıtetin «Halyqaralyq quqyq» mamandyǵy boıynsha (2002 j.), Reseı Federatsııasy Syrtqy ister mınıstrliginiń Dıplomatııalyq akademııasyn «Halyqaralyq quqyq» mamandyǵy boıynsha ( Máskeý, 2004 j.), MBA Hult international business school (Dýbaı 2013 j.) bitirgen.
Eńbek joly: 2004-2005 jyldary «TopıÝrAýdıt» JShS bas dırektorynyń orynbasary, 2005 jyly Kásipkerlikti damytý departamentiniń bas mamany, «Antarex» JShS, «Rafe» meıramhanalar jelisiniń negizin qalaýshy, 2007-2013 jyldary Qazaqstan Respýblıkasy Prezıdenti Hattamasynyń sarapshysy, 2011 jyly «Qasıetti Jol» qoǵamdyq qaıyrymdylyq qorynyń teń quryltaıshysy, 2013-2015 jyldary Partııa Tóraǵasynyń Birinshi orynbasary hatshylyǵy basshysynyń orynbasary – «Nur Otan» partııasynyń halyqaralyq yntymaqtastyq bóliminiń jetekshisi qyzmetterin atqardy. 2017-2019 jyldary Astana qalasy ákimdiginiń «Balalar úıi» KMM dırektory, 2019 jyly «Nur Otan» partııasy janyndaǵy Otbasy, áıelder máseleleri jáne balalardyń quqyqtaryn qorǵaý jónindegi respýblıkalyq qoǵamdyq keńes tóraıymy, 2019 jyly Nursultan Nazarbaev Qory janyndaǵy «Qamqorlyq qory» korporatıvtik qorynyń basshysy boldy.
2020 jyly «Nur Otan» partııasy Qoǵamdyq birlestiginen Qazaqstan Respýblıkasy Parlamenti Májilisiniń depýtattyǵyna úmitker, 2021-2023 jyldary Qazaqstan Respýblıkasy Parlamenti Májilisiniń jetinshi shaqyrylym depýtaty boldy.
«Qurmet» ordenimen (2019 jyl), «ASTANA 20 jyl» mereıtoılyq medalimen (2018 jyl) marapattaldy.
37 jyl buryn (1986) Aqtaý qalasynyń ákimi Ulyqbek Serikuly TNÁLIEV dúnıege keldi.
Jambyl oblysynda týǵan. Atyraý munaı jáne gaz ınstıtýtyn bitirgen.
Eńbek jolyn 2005 jyly Atyraý qalasyndaǵy qoǵamdyq uıymdarda erikti bolyp bastady. 2006 jyly «Qazaqstannyń táýelsiz urpaǵy» jastar qoǵamdyq uıymynyń tóraǵasy, 2017 jyly Mahambet aýdany ákiminiń orynbasary boldy. Túrli jyldary Atyraý oblysy Jumyspen qamtý jáne áleýmettik baǵdarlamalar basqarmasy basshysynyń orynbasary, Atyraý qalasy ákiminiń orynbasary qyzmetterin atqardy. 2020-2021 jyldary QR Aqparat jáne qoǵamdyq damý mınıstrligi Azamattyq qoǵam isteri komıtetiniń qoǵamdyq-saıası jumys basqarmasynyń basshysy, 2021-2022 jyldary QR Aqparat jáne qoǵamdyq damý mınıstrliginiń «Rýhanı jańǵyrý» baǵdarlamasyn úılestirý departamentiniń dırektory boldy.
Qazirgi qyzmetin 2022 jyldyń maýsym aıynan atqaryp keledi.
164 jyl buryn (1859-1919) Alash qozǵalysynyń kórnekti qaıratkeri Baqtygereı QULMANOV dúnıege keldi.
Jáńgir mektebin, Sankt-Peterbýrgtegi Imperator ýnıversıtetiniń Shyǵys fakýltetin támamdaǵan. 1887 jyly ǵylym kandıdaty ataǵyn alyp, kóp ýaqyt Bakýdegi túrli saılanbaly jaýapty jumystarda boldy.
B. Qulmanov 1906-1907 jyldary І Memlekettik jáne ІІ Memlekettik Dýmalarǵa Іshki orda qazaqtarynan depýtat bolyp saılanyp, musylman fraktsııasyn basqarǵan. 1917 jylǵy sáýirdiń 23-inen jeltoqsannyń 2-sine deıin Bókeı ordasyndaǵy ýaqytsha úkimettiń komıssary boldy. 1917 jylǵy jeltoqsannyń 3-7 aralyǵynda Orynborda ótken jalpyqazaq sezinde prezıdıým basqaryp, Alashorda úkimetiniń tóraǵalyǵyna Á. Bókeıhanovpen birge usynyldy.