22 jastaǵy tarazdyqtyń páterinen keptirilgen marıhýana tabyldy

TARAZ. QazAqparat – «Qarasora» keń aýqymdy sharasy barysynda Taraz qalasynyń 22 jasar turǵyny ustaldy, dep habarlaıdy QazAqparat tilshisi.

Er adamnyń Taraz qalasynyń «Samal» móltekaýdanyndaǵy jaldamaly páterine tintý júrgizilgen.

Onyń barysynda sot-hımııalyq saraptama qortyndysyna sáıkes, jalpy salmaǵy bir keli 740 gr quraıtyn «keptirilgen marıhýana» esirtki zaty tabylyp, tárkilendi.

«Atalǵan derekke qatysty Qazaqstan Respýblıkasy Qylmystyq kodeksiniń 296-baby 4-bóligi, ıaǵnı asa iri mólsherdegi esirtkini zańsyz saqtaý boıynsha sotqa deıingi tergep-tekserý amaldary bastaldy. Osy qylmysty jasaǵany úshin úsh jyldan jeti jylǵa deıingi merzimge bas bostandyǵynan aıyrý jazasy túrindegi qylmystyq jaýapkershilik kózdelgen. Kúdikti kinásin moıyndap, ýaqytsha ustaý ızolıatoryna qamaqqa alyndy» delingen oblystyq polıtsııa departamenti baspasóz qyzmetiniń habarlamasynda.