22 jastaǵy aýyr salmaqtaǵy qazaqstandyq boksshy argentınalyqty jeńdi

NUR-SULTAN. QazAqparat - Qazaqstandyq boksshy Danıla Semenov (4-0, 2 KO) kásibı rıngtegi besinshi jekpe-jegin ótkizdi, dep habarlaıdy QazAqparat Sports.kz saıtyna silteme jasap.

Ol Máskeýde ótken boks keshinde «Pokemon» laqap aty bar argentınalyq Pablo Farıaspen (32-5, 17 KO) kezdesti.

Olardyń jekpe-jegi alty raýndqa sozylyp, biraýyzdan qabyldanǵan sheshimmen Semenov jeńdi. Jekpe-jek barysynda tóreshi qazaqstandyqtyń alǵa umtyla júrgeni úshin onyń bir upaıyn alyp tastady. Degenmen, bul jekpe-jektiń nátıjesine áser etken joq. Osylaısha, Danıla Semenov kásipqoı mansabyndaǵy besinshi jeńisine qol jetkizse, Pablo Farıas altynshy ret jeńiliske ushyrady.

Aıta keteıik, 22 jastaǵy qazaqstandyq kásibı alańdaǵy debıýtin 2020 jyldyń qazan aıynda bastaǵan bolatyn.

Semenov buǵan deıin malavııalyq Mýssa Adjıbany (28-18-5, 24 KO), ganalyq Abraham Tabýldy (17-5-1, 14 KO), ońtústik afrıkalyq Osborn Machımanýdy (23-15-2, 17 KO) jáne namıbııalyq Vıkapıtý Mererony (30-11, 15 KO) jeńgen bolatyn.