09:40, 29 Qańtar 2024

22 jasar qazaqstandyq kúdikti Ystanbuldan Almatyǵa deportatsııalandy

ASTANA. KAZINFORM — Halyqaralyq terrorıstik uıymnyń áreketine qatysy bolýy múmkin dep tanylǵan kúdikti 22 jasar qazaqstandyq azamat Ystanbuldan Almatyǵa aıdaýylmen deportatsııalandy. Bul týraly Ulttyq qaýipsizdik qyzmetiniń baspasóz qyzmeti málim etti.

Foto: UQK baspasóz qyzmeti

Tergeý materıaldaryna sáıkes kórsetilgen Túrkistan oblysynyń týmasy 2020 jyly Sırııaǵa ketip, onda árekettegi qarýly toptardyń birine kirgen.

Kúdiktini UQK túrkııalyq seriktesterimen birlesý arqyly ustady. Sondaı-aq Qazaqstan Respýblıkasynyń Bas prokýratýrasy men ІІM-niń qoldaýy nátıjesinde qolǵa túsip, otanyna qaıtaryldy.

Ustalǵan kúdiktige qatysty UQK Qylmystyq kodekstiń 257-babyna sáıkes terrorıstik áreketke qatysý faktisi boıynsha qylmystyq isti tergep-tekserip jatyr. Ol sot sanktsııasymen qamaýǵa alyndy. Qajetti tergeý amaldary júrgizilip jatyr.

QR Qylmystyq-protsestik kodeksiniń 201-baby 1-bóligine sáıkes ózge aqparat jarııa etýge jatpaıdy.

Zań Zań jáne quqyq QR UQK Qylmys Qylmyspen kúres

Baqytgúl Abaıqyzy

E.A. Bóketov atyndaǵy Qaraǵandy memlekettik ýnıversıtetiniń túlegi. L.N. Gýmelev atyndaǵy Eýrazııa Ulttyq Ýnıversıtetiniń magıstri. "Aqparat salasynyń úzdigi" salalyq tósbelgi ıegeri (2018 j.)