22 tamyzdan bastap Orynbor kóshesinde kólik qozǵalysy shekteledi

ASTANA. 20 tamyz. QazAqparat - 22-26 tamyzda Orynbor kóshesiniń Dostyq kóshesinen Qonaev kóshesine deıingi bóliginde kólik qozǵalysy shekteledi. Bul týraly Astana qalasy ákimdiginiń resmı saıtynan habarlady.

«Astana qalasynyń Jolaýshylar kóligi jáne avtomobıl joldary basqarmasymen aǵymdaǵy jyldyń maýsym aıynda Dostyq kóshesinen Qonaev kóshesine deıingi ýchaskedegi Orynbor kóshesindegi joldyń joǵarǵy qabatyna usaq tasty-shaıyrly asfaltbeton 20 tóseý arqyly ortasha - aǵymdaǵy jóndeý jumystary júrgizildi. Biraq paıdalanýdyń bir aıynan keıin aıaldama aýmaqtary jáne tóselgen joldar boıynsha izder, ıaǵnı jik túrinde aqaýlar paıda bola bastady», - dep vedomstvodan habarlady.

Aqaýlardyń paıda bolý sebepterin anyqtaý úshin «QazJolǴZI» ǵylymı-zertteý ınstıtýty tartylǵan bolatyn. Qajetti zerthanalyq synaqtar júrgizilgen soń aqaýlardyń paıda bolýyna negizgi bóligi tómengi qabatynyń shala tyǵyzdalýy jáne negizgi bóligimen nashar baılanysqany sebep bolǵany anyqtaldy», - delingen aqparatta.

Ótkizilgen saraptaýdyń negizinde merdigerlik mekeme kepildik mindetteme sheńberinde óz esebinen aǵymdaǵy jyldyń 22-26 tamyz aralyǵynda aqaýlardy joıýy tıis. Osy merzim ishinde atalǵan ýchaskede avtokólik qozǵalysy shekteletin bolady.