22 myńnan asa shetel azamatyna Qazaqstanda jumys isteýge ruqsat beriledi

ASTANA. QazAqparat - Bıyl shetelden jumys kúshin tartýǵa bólingen kvota kólemi elimizdegi jumys kúshiniń 0,24 paıyzyn qurady. Jalpy sany 22,2 myń jumysshy tartylady, dep habarlaıdy QazAqparat.

2023 jyly 4 sanatta kvota bólindi: birinshi sanat - 949 ruqsat (basshylar jáne olardyń orynbasarlary), ekinshi sanat - 5 313 ruqsat (qurylymdyq bólimshelerdiń basshylary).

Ruqsattyń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe 10 818 jáne 2 100.

Sondaı-aq maýsymdyq jumystarǵa 3 080 jumys kúshin tartý josparlanǵan.

Budan basqa, 2023 jyly úı sharýashylyqtarynda jumys isteý úshin eńbek ımmıgranttardy tartýǵa arnalǵan kvota respýblıkadaǵy jumys kúshiniń sanynyń 3,2% kóleminde belgilengen.

Esterińizge sala keteıik, 2022 jyly jergilikti atqarýshy organdar jumys berýshilerge ShJK tartý úshin 13,4 myń ruqsat berdi jáne uzartty, bul - qaıta bólingen kvotanyń 63,5% (21,1 myń).

Qazirgi ýaqytta Qazaqstan aýmaǵynda jergilikti atqarýshy organdardyń ruqsaty boıynsha 13 951 shetel azamaty jumys isteıdi.

2022 jyly úı sharýashylyqtarynda jumys isteý úshin eńbek ımmıgranttaryn tartýǵa 300 myń kvota belgilendi.

Al jergilikti atqarýshy organdar 272 002 ruqsat berdi.