22 myńnan asa qazaqstandyqqa advokat elektrondy formatta taǵaıyndalǵan

ASTANA. QazAqparat – Advokattardy elektrondy formatta taǵaıyndaý júıesi óziniń tıimdiligi men mańyzdylyǵyn kórsetti. Muny BAQ ókilderiniń qatysýymen ótken brıfıngide Ádilet vıtse-mınıstri Alma Muqanova aıtty, dep habarlaıdy QazAqparat tilshisi.

«Advokattardy elektrondy formatta taǵaıyndaý búgingi kúnniń jaǵdaıynda óziniń tıimdiligi men mańyzdylyǵyn kórsetti. Bul is-sharalar qylmystyq protsesti júrgizetin qyzmetkerlerge advokat taǵaıyndaýǵa, qorǵaýshynyń kúdikti isine qatysýyn qamtamasyz etý jáne memleket kepildik bergen zań kómegi sheńberinde kúdiktini avtomattandyrylǵan rejımde qorǵaýǵa baılanysty zań kómegine aqy tóleý týraly qaýly shyǵarýǵa múmkindik berdi. 2020 jyldan, ıaǵnı aqparattyq júıe iske qosylǵan sátten bastap búgingi kúnge deıin polıtsııa organdary elektrondy formatta advokattardy taǵaıyndaý jóninde 25 492 ótinish hat joldady, onyń ishinde advokattar 22 307-sin rastady», - dedi vıtse-mınıstr.

Eske salaıyq, buǵan deıin ádilet organdaryna memleket kepildik bergen zań kómegin kórsetý kezinde advokattardyń áreketterine 12 shaǵym túskenin habarlap edik.