22 qyrkúıek. Tulǵalar týǵan kún

ASTANA. QazAqparat – QazAqparat 22 qyrkúıekke arnalǵan «Tulǵalar týǵan kún» kúntizbesin usynady.

ESІMDER

72 jyl buryn (1950) aqyn, Qazaqstan Jazýshylar odaǵynyń Muqaǵalı Maqataev jáne Halyqaralyq Jambyl Jabaev atyndaǵy syılyqtardyń laýreaty, Halyqaralyq «Alash» syılyǵynyń ıegeri Nesipbek AITULY dúnıege keldi.

QHR Shyńjań ólkesi Tarbaǵataı aımaǵynyń Sháýeshek aýdanynda týǵan. 1962 jyly tarıhı otanyna oralǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

1974-1984 jyldary – «Baldyrǵan» jýrnaly poezııa bóliminiń meńgerýshisi, «Jalyn» baspasynyń redaktory. 1984-1994 jyldary – Qazaqstan Jazýshylar odaǵynyń ádebı keńesshisi. 1995-1996 jyldary – «Aqyn» qaýymdastyǵynyń dırektory. 1997-2001 jyldary – «Qazaq ádebıeti» gazetinde syn bóliminiń, «Juldyz» jýrnalynda poezııa bóliminiń meńgerýshisi. 2001 jyldan L.N. Gýmılev atyndaǵy Eýrazııa ulttyq ýnıversıtetinde aǵa ǵylymı qyzmetker bolyp jumys istegen. 2008 jyldan «Altyn tamyr» jýrnalynyń bas redaktory qyzmetin atqardy.

Qazirgi tańda Astanadaǵy Sáken Seıfýllın atyndaǵy ádebı-memorıaldyq murajaıdyń dırektory. «Balalyq» degen alǵashqy óleńi 1965 jyly Shubartaý aýdandyq «Jańa ómir» gazetinde, alǵashqy toptamasy 1972 jyly Muqaǵalı Maqataevtyń sát sapar tileýimen «Lenınshil jas» gazetinde, alǵashqy kitaby 1974 jyly «Qozykósh» degen atpen jaryq kórgen. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Muqaǵalı-Jeltoqsan», «Báıterek», «Balabaqshaǵa barar jolda», «Jelkildep ósken quraqtaı», «Kúmis kúıme», «Qartaımaıdy kún nege?» atty kitaptary, «Eskendir qorǵany» (Á. Naýaı), «Igor joryǵy týraly jyr», t.b. aýdarma kitaptary shyqqan. Túriktiń VII ǵasyrda ómir súrgen uly aqyny Júnis Emire, qytaıdyń kóne dáýir aqyny Bo Tsyzıýdyń, ıtalıan aqyny Dj. Rodarıdyń, sondaı-aq M. Isakovskıı, A. Barto, S. Mıhalkov, S. Barýzdın, V. Berestov, T. Sydyqov, S. Jýsýev óleńderin qazaq tiline aýdarǵan.

57 jyl buryn (1965) Qazaqstan Respýblıkasy memleket qaıratkeri Ánýar Serqululy JUMADІLDAEV dúnıege keldi.

Qyzylorda oblysynda týǵan. P. Lýmýmba atyndaǵy Halyqtar dostyǵy ýnıversıtetinde bilim alǵan, matematık (1990); Batys Qazaqstan ınjenerlik-tehnologııalyq ýnıversıteti, qarjyger (2006).

Eńbek joly: Almaty q. Qazaq KSR Ǵylym akademııasynyń matematıka jáne mehanıka ınstıtýtynyń stajer-zertteýshisi (1990); P. Lýmýmba atyndaǵy Halyqtar dostyǵy ýnıversıtetiniń aspıranty (1992-1992); Almaty q. «Fırma Alas» JShS kommertsııalyq dırektory (1992-1997); «Alaýgaz» AQ basqarýshy dırektory, Almaty q.; «Aktsept-Profıl» JShS vıtse-prezıdenti, «Alaýgaz» AQ prezıdentiniń mindetin atqarýshy, Almaty q., «Alaýgaz» AQ prezıdenti (1997-2003); Qazaqstan Respýblıkasy Qarjy mınıstrligi salyq komıtetiniń Batys Qazaqstan oblysy boıynsha salyq komıteti tóraǵasynyń orynbasary, Oral q. (Almaty q. 2005-2008); Qazaqstan Respýblıkasy Qarjy mınıstrliginiń aqparattyq-telekommýnıkatsııalyq ınfraqurylym monıtorıngi jáne aqparattyq qaýipsizdik basqarmasynyń bastyǵy, Qazaqstan Respýblıkasy Qarjy mınıstrliginiń Aqparattyq tehnologııalar departamenti aqparattyq-telekommýnıkatsııalyq ınfraqurylym monıtorıngi jáne aqparattyq qaýipsizdik basqarmasynyń bastyǵy (10.2008-12.2008); Qazaqstan Respýblıkasy Qarjy mınıstrliginiń Salyq komıteti aktsızderdi ákimshilendirý basqarmasynyń basshysy (2008-2009); Qazaqstan Respýblıkasy Qarjy mınıstrliginiń salyq komıteti tóraǵasynyń orynbasary (2009-2012); Qazaqstan Respýblıkasy Qarjy mınıstrligi salyq komıtetiniń tóraǵasy (2012-2014); Qazaqstan Respýblıkasy Qarjy mınıstrliginiń Memlekettik kirister komıteti tóraǵasynyń orynbasary (2014-2015); Qazaqstan Respýblıkasy Qarjy Mınıstrliginiń qarjylyq baqylaý komıtetiniń tóraǵasy, Qazaqstan Respýblıkasy Qarjy mınıstrliginiń ishki memlekettik aýdıt komıtetiniń tóraǵasy (2015-2017); Qazaqstan Respýblıkasy Qarjy mınıstrliginiń qarjy monıtorıngi komıtetiniń tóraǵasy (2017-2019); QR Qarjy mınıstrligi Іshki memlekettik aýdıt komıtetiniń tóraǵasy (2019-2020).Qazaqstan Respýblıkasy Qarjy mınıstrligi Qazynashylyq komıtetiniń tóraǵasy (2020-2022).