22 qyrkúıek. Tulǵalar týǵan kún
ESІMDER
59 jyl buryn (1965) Qazaqstan Respýblıkasynyń memleket qaıratkeri Ánýar Serqululy JUMADІLDAEV dúnıege keldi.
Qyzylorda oblysynda týǵan. P. Lýmýmba atyndaǵy Halyqtar dostyǵy ýnıversıtetinde bilim alǵan, matematık (1990); Batys Qazaqstan ınjenerlik-tehnologııalyq ýnıversıteti, qarjyger (2006).
Eńbek joly: Qazaq KSR Ǵylym akademııasynyń matematıka jáne mehanıka ınstıtýtynyń stajer-zertteýshisi (1990); P. Lýmýmba atyndaǵy Halyqtar dostyǵy ýnıversıtetiniń aspıranty (1992-1992); «Fırma Alas» JShS kommertsııalyq dırektory (1992-1997); «Alaýgaz» AQ basqarýshy dırektory; «Aktsept-Profıl» JShS vıtse-prezıdenti, «Alaýgaz» AQ prezıdentiniń mindetin atqarýshy, «Alaýgaz» AQ prezıdenti (1997-2003); QR Qarjy mınıstrligi salyq komıtetiniń Batys Qazaqstan oblysy boıynsha salyq komıteti tóraǵasynyń orynbasary; QR Qarjy mınıstrliginiń aqparattyq-telekommýnıkatsııalyq ınfraqurylym monıtorıngi jáne aqparattyq qaýipsizdik basqarmasynyń bastyǵy, QR Qarjy mınıstrliginiń Aqparattyq tehnologııalar departamenti aqparattyq-telekommýnıkatsııalyq ınfraqurylym monıtorıngi jáne aqparattyq qaýipsizdik basqarmasynyń bastyǵy; QR Qarjy mınıstrliginiń Salyq komıteti aktsızderdi ákimshilendirý basqarmasynyń basshysy (2008-2009); QR Qarjy mınıstrliginiń salyq komıteti tóraǵasynyń orynbasary (2009-2012); QR Qarjy mınıstrligi salyq komıtetiniń tóraǵasy (2012-2014); QR Qarjy mınıstrliginiń Memlekettik kirister komıteti tóraǵasynyń orynbasary (2014-2015); QR Qarjy Mınıstrligi qarjylyq baqylaý komıtetiniń tóraǵasy, QR Qarjy mınıstrliginiń ishki memlekettik aýdıt komıtetiniń tóraǵasy (2015-2017); QR Qarjy mınıstrliginiń qarjy monıtorıngi komıtetiniń tóraǵasy (2017-2019); QR Qarjy mınıstrligi Іshki memlekettik aýdıt komıtetiniń tóraǵasy (2019-2020).QR Qarjy mınıstrligi Qazynashylyq komıtetiniń tóraǵasy (2020-2022).
59 jyl buryn (1965) VIII shaqyrylymdaǵy Astana qalasy máslıhatynyń depýtaty Kendebaı Sarybaıuly ADAMBEK dúnıege keldi.
Qaraǵandy oblysynda týǵan. Qaraǵandy polıtehnıkalyq ınstıtýtyn taý-ken mashınalary men keshenderi mamandyǵy boıynsha (1989); Qaraǵandydaǵy «Femıda» zań akademııasyn zańger mamandyǵy boıynsha bitirgen (2003).
Eńbek joly: Jambyl oblysy, Moıynqum aýdany, Aqbaqaı kenti, Aqbaqaı taý-ken baıytý kombınatynyń №1 shahtasynyń jerasty elektr slesari, elektr monteri (1989-1990); magıstr, aǵa sheber, dırektordyń orynbasary, taý-ken profılindegi SPTÝ-5 dırektory, Balqash (1990-1995); arnaýly memlekettik organdaǵy qyzmet (1995-2022); Astana qalasy ákiminiń keńesshisi (2023).
51 jyl buryn (1973) Jetisý oblystyq polıtsııa departamentiniń bastyǵy Sarqytbaı Zákiruly QUSAIYNOV dúnıege keldi.
Almaty qalasynda týǵan. Taldyqorǵan zań kolledjin, D.Qonaev atyndaǵy gýmanıtarlyq ınstıtýtty bitirgen.
Eńbek joly: Taldyqorǵan oblysy ІІD TJB jedel ýákil; Almaty oblysy Іshki ister basqarmasynda ártúrli laýazymdarda jumys istegen (1995-2019); Qaraǵandy oblysy Balqash qalalyq polıtsııa bóliminiń bastyǵy (2022); Jetisý oblysy ІІD Uıymdasqan qylmysqa qarsy kúres basqarmasynyń bastyǵy; Qazaqstan Respýblıkasy Іshki ister mınıstrligi Esirtki qylmysyna qarsy kúres departamenti bastyǵynyń orynbasary (09.2023); akterlik Jetisý oblystyq polıtsııa basqarmasynyń bastyǵy (2023-2024).
2024 jyldyń qańtar aıynan beri qazirgi qyzmetinde.
43 jyl buryn (1981) - QR QK BSh RHB qorǵaý áskerleri jáne ekologııalyq qaýipsizdik departamentiniń bastyǵy Erjan Erikbaıuly QULMAǴAMBETOV dúnıege keldi.
Almaty qalasynda týǵan. Almaty respýblıkalyq áskerı mektep-ınternatyn bitirgen (1998); Reseıdiń hımııalyq qorǵanys áskerı ýnıversıtetiniń fılıalyn (2003), NBC qorǵanys áskerı akademııasyn bitirgen (2015).
Eńbek joly: Reseıdiń hımııalyq qorǵanys áskerı ýnıversıteti fılıalynyń kýrsanty (1998-2003); 73805 áskerı bóliminiń UBK barlaý vzvodynyń komandıri (2003-2004); 50185 áskerı bóliminiń hımııa qyzmetiniń bastyǵy (2004-2008); Qazaqstan Respýblıkasy Qarýly Kúshteri Arnaıy áskerleri Bas basqarmasynyń UBK kúzet bóliminiń aǵa ofıtseri (2008-2012); batalon komandıri, 65476 áskerı bóliminiń shtab bastyǵy (2012-2016); 2016-2018 jj Qazaqstan Respýblıkasy Qarýly Kúshteri Qurlyq áskerleri Áýe shabýyldaýshy áskerleri UBK qorǵanys áskerleriniń bastyǵy; Qazaqstan Respýblıkasy Qarýly Kúshteri Arnaıy áskerleri Bas basqarmasynyń UBK qorǵanysty basqarý basqarmasynyń bastyǵy (2018-2019); Qazaqstan Respýblıkasy Qarýly Kúshteri Bas shtaby Injenerlik áskerler departamenti UBK qorǵaý jáne ekologııalyq qaýipsizdik áskerleri qolbasshylyǵy basqarmasynyń aǵa ofıtseri (2019-2020).
2020 jyldyń sáýir aıynan beri qazirgi qyzmetinde.
37 jyl buryn (1987) Mańǵystaý oblysy ákimi apparaty basshysynyń orynbasary Ásel Amanbekqyzy BALMANOVA dúnıege keldi.
Batys Qazaqstan oblysy, Oral qalasynda týǵan. M.Ótemisov atyndaǵy Batys Qazaqstan memlekettik ýnıversıtetin «Ekologııa» mamandyǵy boıynsha bitirgen.
Eńbek joly: Batys Qazaqstan oblysynyń tabıǵı resýrstar jáne tabıǵat paıdalanýdy retteý basqarmasynyń qorshaǵan ortany qorǵaý jáne monıtorıng bóliminiń bas mamany (2010-2012); Batys Qazaqstan oblysy ákimi apparatynyń aqparattyq jáne qujattamalyq qamtamasyz etý bóliminiń bas mamany, basshysy (2012-2016); Batys Qazaqstan oblysynyń aýyl sharýashylyǵy basqarmasynyń quqyqtyq qamtamasyz etý bóliminiń basshysy (2017); «Batys Qazaqstan oblysynyń kásipodaq ortalyǵy» aýmaqtyq kásipodaqtar birlestigi tóraǵasynyń orynbasary (2017-2018); Mańǵystaý oblysy ákiminiń keńesshisi (2018); Mańǵystaý oblysy ákimi apparaty basshysynyń orynbasary (2018-2023); Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy (2023-2024).
74 jyl buryn (1950-2023) aqyn, Qazaqstan Jazýshylar odaǵynyń Muqaǵalı Maqataev jáne Halyqaralyq Jambyl Jabaev atyndaǵy syılyqtardyń laýreaty, Halyqaralyq «Alash» syılyǵynyń ıegeri Nesipbek AITULY dúnıege keldi.
QHR Shyńjań ólkesi Tarbaǵataı aımaǵynyń Sháýeshek aýdanynda týǵan. 1962 jyly tarıhı otanyna oralǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.
1974-1984 jyldary «Baldyrǵan» jýrnaly poezııa bóliminiń meńgerýshisi, «Jalyn» baspasynyń redaktory. 1984-1994 jyldary Qazaqstan Jazýshylar odaǵynyń ádebı keńesshisi. 1995-1996 jyldary «Aqyn» qaýymdastyǵynyń dırektory. 1997-2001 jyldary «Qazaq ádebıeti» gazetinde syn bóliminiń, «Juldyz» jýrnalynda poezııa bóliminiń meńgerýshisi. 2001 jyldan L. Gýmılev atyndaǵy Eýrazııa ulttyq ýnıversıtetinde aǵa ǵylymı qyzmetker bolyp jumys istegen. 2008 jyldan «Altyn tamyr» jýrnalynyń bas redaktory qyzmetin atqardy. Qazirgi tańda Astanadaǵy Sáken Seıfýllın atyndaǵy ádebı-memorıaldyq murajaıdyń dırektory.
«Balalyq» degen alǵashqy óleńi 1965 jyly Shubartaý aýdandyq «Jańa ómir» gazetinde, alǵashqy toptamasy 1972 jyly Muqaǵalı Maqataevtyń sát sapar tileýimen «Lenınshil jas» gazetinde, alǵashqy kitaby 1974 jyly «Qozykósh» degen atpen jaryq kórgen. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Muqaǵalı-Jeltoqsan», «Báıterek», «Balabaqshaǵa barar jolda», «Jelkildep ósken quraqtaı», «Kúmis kúıme», «Qartaımaıdy kún nege?» atty kitaptary, «Eskendir qorǵany» (Á. Naýaı), «Igor joryǵy týraly jyr», t.b. aýdarma kitaptary shyqqan. Túriktiń VII ǵasyrda ómir súrgen uly aqyny Júnis Emire, qytaıdyń kóne dáýir aqyny Bo Tsyzıýdyń, ıtalıan aqyny Dj. Rodarıdyń, sondaı-aq M. Isakovskıı, A. Barto, S. Mıhalkov, S. Barýzdın, V. Berestov, T. Sydyqov, S. Jýsýev óleńderin qazaq tiline aýdarǵan.