22 granata, 512 patron: Almatyda qarý-jaraq jasyrylǵan taǵy bir oryn anyqtaldy

ALMATY. QazAqparat – Almatyda qańtar oqıǵasynan keıin oq-dáriler men qarý-jaraq jasyrylǵan oryndar áli de anyqtalyp jatyr, dep habarlaıdy QazAqparat tilshisi.

Bul joly qarý-jaraq saqtalǵan qoıma Medeý aýdanyndaǵy saıajaı alqabynan tabyldy. Atap aıtqanda, 2 Makarov tapanshasy, tegis uńǵyly myltyq, 512 dana ártúrli kalıbrli patron, onyń ishinde Kalashnıkov avtomatyna arnalǵan patrondar bar, 22 dana granata jáne radıostantsııa anyqtaldy.

Almaty qalalyq Polıtsııa departamentiniń baspasóz qyzmetinen málim etkendeı, atalǵan fakti QR Qylmystyq kodeksiniń 287-babymen tergeledi.

Sondaı-aq polıtsııa málimetinshe, qarý-jaraq jasyrylǵan orynnan ósimdik tektes jáne untaq esirtki zattary tabyldy. Qylmystyq is aıasynda sot-ballıstıkalyq jáne sot-hımııalyq saraptamalar taǵaıyndaldy.

Eske salaıyq, búgin Úlken Almaty kanaly boıyndaǵy orman beldeýinen qarý-jaraq arsenaly tabylǵany týraly jazǵan edik.

Foto: polisia.kz