22-26 qarasha aralyǵynda X Azamattyq forým ótedi
Bul sharany uıymdastyrý jáne ótkizý týraly QR Prezıdenti janyndaǵy OKQ brıfınginde Qazaqstannyń Azamattyq alıansynyń prezıdenti Baný Nurǵazıeva men Azamattyq qoǵam isteri komıtetiniń tóraǵasy Madııar Qojahmet aıtyp berdi.
«Qoǵam men memlekettiń turaqty damýy múddesindegi áriptestiktiń 30 jyldyǵy» mereıtoılyq X Azamattyq forýmy 2021 jylǵy 22-26 qarasha aralyǵynda ótedi. Forýmnyń is-sharalary demokratııalyq protsesterdi damytý, Qazaqstanda BUU-nyń Ornyqty damý maqsattaryn iske asyrý máselelerine, sondaı-aq sotsıýmnyń, memleket pen bıznestiń olarǵa qol jetkizýdegi negizgi mindetterine arnalady. Forým baǵdarlamasy kóptegen taqyryptardy, sarapshylar men qatysýshylardy qamtıdy. Sondaı-aq, forým aıasynda 30-dan astam pikirtalas alańdary, saraptamalyq talqylaýlar, fasılıtatsııalyq jáne paneldik sessııalar uıymdastyrylady.
Forým qarsańynda jáne apta boıy mınıstrlerdiń azamattyq qoǵam ókilderimen kezdesýleri, ákimderdiń óńirlerdegi ÚEU ókilderimen kezdesýleri, shaǵyn granttar jobalarynyń tanystyrylymy, sondaı-aq «ÚEU syılyǵy» men «Tańdaý» syılyǵyn saltanatty túrde tapsyrý rásimi uıymdastyrylady.
Madııar Qojahmettiń aıtýynsha, forýmnyń mazmundy baǵdarlamasy azamattyq qoǵamda týyndaǵan barlyq problemalyq máselelerdi: qoǵamdyq baqylaý tetikterin jetildirýden bastap áleýmettik salanyń, tsıfrlandyrýdyń, bilim berý jáne densaýlyq saqtaý júıeleriniń ózekti máselelerin sheshýge deıin qamtýǵa múmkindik beredi. Ol tereń sımvoldyq mánge erekshe nazar aýdardy: «2003 jyly Elbasynyń bastamasymen ótken Qazirgi azamattyq forým bizdiń Táýelsizdigimizdiń 30 jyldyǵy belgisimen ótýde».
Óz kezeginde, Qazaqstannyń Azamattyq alıansynyń prezıdenti Baný Nurǵazıeva: «Memleket pen úkimettik emes sektordyń ózara is — qımyly salasyndaǵy eldiń eń iri oqıǵasynyń negizgi ıdeıasy-Qazaqstannyń azamattyq qoǵamyna jahandyq kózqaras. Biz azamattyq qoǵamdy damytýdyń ózekti máselelerin eskere otyryp, tarıhqa, búginge jáne bolashaqqa taldaý jasaǵymyz keledi. X Azamattyq forýmnyń mazmundy baǵdarlamasy barlyq qatysýshylarǵa memlekettik organdar men ÚEU birlesken kooperatsııasynyń júıeli máseleleri men sheshimderi týraly aıtýǵa múmkindik beredi».
Sondaı-aq, brıfıng spıkerleri sanıtarlyq-epıdemıologııalyq normalardy saqtaý qajettiligin eskere otyryp, forým oflaın jáne onlaın gıbrıdti formatta ótetinin aıtty. Mysaly, Almatyda ótetin is-sharalarǵa 150 delegat qatysady. Sonymen qatar, is-sharalardy ótkizý múmkindikteri men onlaın-formatynyń arqasynda X Azamattyq forým jumysyna Qazaqstannyń túkpir-túkpirinen ÚEU, memlekettik organdar, sarapshylar qoǵamdastyǵy men BAQ-tyń 20.000-nan astam ókilderi qatysady dep kútilýde.
Forým aptalyǵynyń Onlaın-translıatsııasy Facebook paraqshasynda jáne YouTube arnasynda júrgiziledi.
Forým saıtynda mereıtoılyq H Azamattyq forýmǵa tirkeý ashyldy, ol úsh tilde: qazaq, orys jáne aǵylshyn tilderinde júrgiziledi.
Qatysýǵa ótinimdi forýmnyń resmı saıtynda qaldyrýǵa bolady: azamattyqforum10.kz.
Azamattyq forým – bul azamattyq qoǵamnyń, bılik pen bıznestiń múddelerin halyqaralyq úkimettik emes sektormen baılanystyratyn negizgi, eń iri dıalog alańy.
Forým ÚEU kóshbasshylarynyń, memlekettik organdardyń, ulttyq kompanııalardyń, bıznestiń birinshi basshylarynyń, otandyq jáne sheteldik sarapshylardyń qatysýymen ótedi.