2139 jylý qazandyǵynyń daıyndyǵy aıaqtaldy - agenttik tóraǵasy S.Nokın
13:00, 20 Shilde 2010
ASTANA. Shildeniń 20-sy. QazAqparat /Rýslan Ǵabbasov/ - Bıylǵy jylǵy shildeniń 15-indegi jaǵdaı boıynsha 2139 jylý qazandyǵynyń daıyndyǵy aıaqtaldy. Bul respýblıkadaǵy kórsetkishtiń 53 paıyzyn quraıdy. Osy jaıynda búgin Úkimet otyrysynda aldaǵy jylý berý maýsymyna daıyndyq boıynsha baıandama jasaǵan Qurylys isteri jáne turǵyn úı-kommýnaldyq sharýashylyǵy agenttiginiń tóraǵasy Serik Nokın málim etti.
Onyń aıtýynsha, jylý qazandyqtarynyń daıyndyǵy boıynsha Qostanaı, Mańǵystaý, Atyraý, Batys Qazaqstan, Aqtóbe oblystary alda kele jatyr.
«Jospar boıynsha 716 shaqyrym jylý trassalary jóndeýden ótýi tıis. Búginde olardyń 391 shaqyrymyna nemese 54 paıyzyna jóndeý jumystary jasaldy. Osy turǵyda joǵary kórsetkish Atyraý, Qyzylorda oblystary men Astana qalasynda baıqalyp otyr. Jumystyń tómen deńgeıi Ońtústik Qazaqstan men Almaty oblystarynda tirkeldi», - dedi agenttik tóraǵasy.
Sondaı-aq onyń sózine qaraǵanda, aldaǵy jylý berý maýsymynda 1800 shaqyrymnan astam sýmen qamtamasyz etý jelilerin jóndeýden ótkizý kerek. Búginde onyń 984 shaqyrymy nemese 54 paıyzy iske asyrylǵan.