21 jeltoqsan. Tulǵalar týǵan kún

ASTANA. QazAqparat – QazAqparat 21 jeltoqsanǵa arnalǵan «Tulǵalar týǵan kún» kúntizbesin usynady.

ESІMDER

87 jyl buryn (1935-2018) ǵalym, Qazaqstanda geologııa-mıneralogııa ǵylymdarynyń negizin salýshy doktory, QR Ulttyq Ǵylym Akademııasynyń korrespondent múshesi, QR Injenerlik Ǵylym Akademııasynyń akademıgi Sýhan Maqsotuly QAMALOV dúnıege keldi.

Batys Qazaqstan oblysy Qaztalov aýdanynda týǵan. S.Kırov atyndaǵy Qazaq memlekettik ýnıversıtetin bitirgen. 1965-1972 jyldary - Qazaqstan Respýblıkasy Geologııa mınıstrliginiń bas geology. 1976-1985 jyldary - Oral munaı jáne gaz barlaý ekspedıtsııasynyń aǵa geology, bas geology. 1985-1989 jyldary - «Oralmunaıgazgeologııa» óndiristik birlestiginiń dırektory. 1989-1991 jyldary - Qazaq KSR-niń Geologııa jáne jer qoınaýyn qorǵaý jónindegi komıteti tóraǵasynyń birinshi orynbasary. 1991-1992 jyldary - «Qarashyǵanaqgazónerkásip» memlekettik kásipornynyń bas dırektory. 1992 jyldan «Qazaqgazjobalaý» gaz ónerkásibi ǵylymı zertteý-jobalaý ınstıtýtynyń dırektory, Qazaqstan Respýblıkasy Ulttyq Injenerlik Akademııasynyń Batysqazaqstandyq ortalyǵynyń dırektory qyzmetterin atqarǵan. Respýblıkamyzdyń barlyq aýmaǵynda geologııalyq barlaý jumystaryn jobalaýmen jáne josparlaýmen aınalysty. Sol jyldary qory asa baı suıyq kómirsýtekti Ózen jáne Jetibaı kenderi ashyldy. Aqtóbe ekspedıtsııasynyń bas geology retinde tikeleı qatysýymen «Jańa jol» iri munaı ken ornyn zerttelip, ashyldy. Osy kezeńde biregeı Qarashyǵanaq gazkondensat keni barlandy. 90-ǵa jýyq ǵylymı eńbegi bar. «Oktıabr Revolıýtsııasy», «Qurmet belgisi», «Parasat», «Barys» ordenderimen jáne medaldarmen marapattalǵan. Oral qalasynyń qurmetti azamaty.

61 jyl buryn (1961) Memleket jáne qoǵam qaıratkeri Nurmuhambet Qanapııauly ÁBDІBEKOVdúnıege keldi.

Arqalyq qalasynda týǵan. Máskeý taý-ken ınstıtýtyn bitirgen. Tehnıka ǵylymdarynyń kandıdaty. Instıtýtty bitirgennen keıin óz eńbek isin Shılisaı fosforıt keninde aýysym sheberi bolyp bastaǵan. 1989-2009 jyldary Aqtóbe, Atyraý jáne Astana qalalarynda memlekettik organdarda ár túrli laýazymdarda bolǵan. 2009 jyly jeltoqsannan 2011 jyly shilde aralyǵynda Óndiris Komıteti ókili, Qazaqstan Respýblıkasynyń Indýstrııa jáne jańa tehnologııalar vıtse-mınıstri. 2011 jyly shildeden bastap - Aqtóbe qalasynyń ákimi. 2012 jyly aqpannan bastap Aqtóbe oblysy ákiminiń birinshi orynbasary bolyp taǵaıyndaldy. 2014-2017 jyldary Qaraǵandy oblysynyń ákimi. 2017-2018 jyldary – Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy. 2018-2019 jyldary – «Qazaqstan ınjınırıng» Ulttyq kompanııasy» basqarma tóraǵasy. Qazirgi qyzmetinde – 2019 jyldyń tamyzynan. «Qurmet» ordenimen, «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005) medaldarymen marapattalǵan.