21 jastaǵy qazaq boksshysy álem chempıony atandy

NUR-SULTAN. QazAqparat – Almatyda ótip jatqan boks keshinde Qazaqstan sportshysy álem chempıony atandy. Bul týraly QazAqparat Sports.kz silteme jasap habarlaıdy,

21 jastaǵy qazaqstandyq boksshy Talǵat Shaıken (6-0, 4 KO) jartylaı orta salmaqtaǵy WBC tujyrymy boıynsha jastar arasyndaǵy álem chempıonynyń «ıesiz» belbeýi úshin ýkraınalyq Vladımır Gordıenkomen (9-3, 4 KO) judyryqtasty. On raýndtyq jekpe-jek tóreshilerdiń biryńǵaı sheshimi boıynsha qazaqstandyqtyń jeńisimen aıaqtaldy. Osylaısha, Talǵat Shaıken kásipqoı boks rınginde jetinshi jeńisine jetip, WBC tujyrymdamasy boıynsha Jastar arasnydaǵy álem chempıony atandy, Al Vladımır Gordıenko osymen tórtinshi ret jeńilip otyr.

Almatydaǵy boks keshiniń negizgi jekpe-jeginde taǵy bir otandasymyz Qamshybek Qońqabaev (3-0, 3 KO) jáne Stıven Ýordpen (13-1, 4 KO) WBA Gold beldigine talasady.