21 tamyzda muǵalimderdiń biliktilik testileýi bastalady

ASTANA. QazAqparat - 15-20 tamyz aralyǵynda app.testcenter.kz saıtynda pedagogterdiń bilimin baǵalaýǵa ótinish qabyldanady. Testileýdiń ózi 21-28 tamyz aralyǵynda ótedi, dep habarlaıdy QazAqparat.

Bul testileýge kimder qatysa alady:

- mektepke deıingi tárbıe men oqytý uıymdarynyń pedagogteri;

- bilim berý uıymdarynyń ádiskerleri (ádistemelik kabınetterdiń (ortalyqtardyń) ádiskerlerinen basqa);

- jalpy orta bilim berý uıymdarynyń pedagogteri;

- qosymsha bilim berý uıymdarynyń (ınternattyq uıymdardyń, jataqhanalardyń tárbıeshileri, arnaıy uıymdardyń tárbıeshileri úshin) pedagogteri;

- bilim berý uıymdarynyń, ádistemelik kabınetterdiń (ortalyqtardyń) basshylary;

- tehnıkalyq jáne kásiptik, orta bilimnen keıingi bilim berý uıymdarynyń ( jalpy bilim beretin pánder boıynsha, sondaı-aq jalpy kásiptik jáne arnaıy, jalpy gýmanıtarlyq jáne áleýmettik-ekonomıkalyq pánder boıynsha) pedagogteri;

- pedagogıkalyq baǵyttar boıynsha joo jáne kolledj bitirýshi túlekter (bakalavrıat-kúndizgi, bakalavrıat-qysqartylǵan, magıstratýra);

- pedagogıkalyq (mamandyqtar) baǵyttar boıynsha tehnıkalyq jáne kásiptik, joǵary jáne/nemese joǵary oqý ornynan keıingi bilimi bar, tájirıbesi joq kandıdattar (onyń ishinde 2022 jylǵy túlekter);

- pedagogıkalyq qyzmetti qaıta jalǵastyrǵysy keletin tulǵalar.