21 mamyrda ótetin mańyzdy oqıǵalarǵa sholý
ASTANA
Saǵat 9.45-te Ulttyq mýzeıde mádenıet jáne óner uıymdary qyzmetkerleriniń arasyndaǵy «Rýhanı qazyna» І festıvali ótedi. Sharaǵa Mádenıet jáne sport mınıstri Arystabek Muhamedıuly qatysady dep kútilýde.
Saǵat 10.00-de Kásipodaqtar federatsııasynda «Orta Azııa elderindegi áleýmettik-eńbek qatynastary: taldaý jáne keleshegi» degen taqyryppen dóńgelek ústel ótedi.
Saǵat 10.00-de Májiliste «úkimet saǵaty» ótedi.
Saǵat 11.00-de Eýrazııa ekonomıkalyq komıssııasynyń delegatsııasy ekonomıkalyq jáne qarjylyq saıasat jónindegi kollegııa múshesi Tımýr Jaqsylyqovtyń tóraǵalyq etýimen Qazaqstan bıznes qaýymdastyǵymen kezdesý ótkizedi.
Saǵat 14.00-de «Qazaqstan» RTRK AQ basqarma tóraǵasy Erlan Qarınniń, «Qazsport» telearnasynyń dırektory Pavel Tsybýlınniń, boksshy Beıbit Shúmenovtiń qatysýymen brıfıng ótedi.
Saǵat 14.30-da Táýelsizdik saraıynda álemniń úzdik 20 kitaphanasynyń, otandyq kitaphanalardyń qatysýymen «Álem astanalarynyń shejiresi» atty halyqaralyq kórme ótedi.
ALMATY
Saǵat 10.00-de «Rixos Almaty» qonaqúıinde «Forým-2018: Qazaqstan men Qytaıdyń saýda-ekonomıkalyq jáne ınvestıtsııalyq seriktestigi» degen atpen transshekaralyq elektrondy bıznes salasyndaǵy seriktestik forýmy bolady.
Saǵat 18.00-de «Almaty stýdentter alıansynyń» uıymdastyrýymen Astananyń 20 jyldyǵyna arnalǵan jastardyń delfı oıyndarynyń ashylý saltanaty ótedi.
Delfı oıyndary - shyǵarmashyl ári talantty jastardyń basyn biriktiretin jas ónerpazdar arasyndaǵy keshendi jarys.