21 qarasha kúni Astanada ótetin mańyzdy sharalar ańdatpasy

<p>Kazinform halyqaralyq aqparat agenttigi 21 qarasha kúni Astanada ótetin mádenı jáne qoǵamdyq mańyzdy sharalar ańdatpasyn usynady.</p>

10.00-de Úkimet úıinde kezekti Úkimet otyrysy ótedi. Kún tártibinde temirjol salasyn damytý jáne memlekettik qyzmetterdiń sapasyn jaqsartý máseleleri qaralady.

10.00-de L.N.Gýmılev atyndaǵy EUÝ-da «Qazaq lırıkasy jáne Marfýǵa Bektemirova poezııasy» taqyrybynda halyqaralyq ǵylymı-tájirıbelik konferentsııa ótedi.

11.00-de QR Іshki ister mınıstrligi «Esirtki qylmysyna qarsy kúres sharalary jáne «Dármek» operatsııasynyń nátıjeleri týraly» onlaın formatta brıfıng ótkizedi.

14.00-de QR Ulttyq banki Tsıfrlyq teńge jobasynyń birinshi kezeńin iske qosýǵa arnalǵan baspasóz máslıhatyn uıymdastyrady.

15.00-de QR Prezıdenti janyndaǵy Ortalyq kommýnıkatsııalar qyzmetinde «Jumysshylardyń eńbek quqyqtaryn qorǵaý, onyń ishinde QR kásiporyndarynda qaýipsizdik jáne eńbekti qorǵaý týraly zańnamany saqtaý» taqyrybynda baspasóz máslıhaty bastalady. https://www.youtube.com/user/ortcomkz, https://ru-ru.facebook.com/ortcomkz

15.00-de №2 mamandyrylǵan órt sóndirý bóliminde Astana qalasy Tótenshe jaǵdaılar departamenti Polıtsııa departamentimen birlesip, «Jataqhana» respýblıkalyq jedel-profılaktıkalyq is-sharasyn ótkizedi.

16.00-de QR Ulttyq akademııalyq kitaphanasynda aqyn, satırık, ǵalym, Qazaqstan Respýblıkasy eńbek sińirgen qaıratkeri Aımuhanbet Beısembekovtyń «Folıant» baspasynan shyqqan «Qazaq satırasynyń antologııasy», «Saq-saq kúlgen satıra» atty kitaptary tanystyrylady.

19.00-de «Astana Opera» teatrynyń úlken zalynda Muqan Tólebaevtyń 110 jyldyǵyna arnalǵan Qazaqstan kompozıtorlarynyń vokaldyq-sımfonııalyq shyǵarmalarynan saltanatty kontsert ótedi.

19.00-de «Saryarqa» saýda, oıyn-saýyq ortalyǵynda «Arǵymaq» fılminiń jabyq kórsetilimi bolady.

19.00-de «Astana balet» teatrynda álemdik balet juldyzdarynyń qatysýymen «FREEDOM BALLET» keshi usynylady.