21 gradýsqa deıin aıaz: Demalysqa kún raıy boljamy

<p>&laquo;Qazgıdromet&raquo; RMK 2-4 jeltoqsan aralyǵyndaǵy kún raıyna boljamyn usyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Aldaǵy kúnderi belsendi Atlantıkalyq tsıklon jyrasymen jáne onymen baılanysty atmosferalyq frontaldy bólikterdiń áserinen Qazaqstannyń basym bóliginde jaýyn-shashyndy (jańbyr, qar) bolady.

3 jeltoqsanda – soltústik-batysta jáne soltústikte, 3-4 jeltoqsanda – shyǵysta, 4 jeltoqsanda elimizdiń ońtústik-shyǵysyndaǵy taýly aýdandarda qatty jaýyn-shashyn boljanady.

Respýblıkanyń soltústik jartysynda jaýyn-shashynmen qatar kóktaıǵaq pen burqasyn kútiledi.

El boıynsha tuman, 15-29 m/s ekpinde jel boljanady. Soltústik-batys pen soltústikte jeldiń jyldamdyǵy keı ýaqytta 30 m/s jáne odan joǵary bolady.

4 jeltoqsannan bastap soltústik-batys antıtsıklonynyń jotasymen sýyq aýa massalary enedi. Bul Qazaqstannyń basym bóliginde temperatýranyń kúrt tómendeýine ákeledi. Soltústik-batys jáne soltústikte túngi saǵattarda 7-21 gradýs aıazǵa deıin, al ortalyq pen shyǵysta 5-15 gradýs aıazǵa deıin tómendeıdi. Ońtústik óńirlerde 0-5 gradýs aıazǵa deıin boljanady.