21 aqpan. Tulǵalar týǵan kún
58 jyl buryn (1966) Qazaqstan Respýblıkasynyń memleket qaıratkeri Aıgúl Qabdeshqyzy NURKINA dúnıege keldi.
Pavlodar qalasynda týǵan. Qaraǵandy memlekettik ýnıversıtetin bitirdi (1987). Zańger, otbasy quqyǵy, ekologııalyq quqyq, advokattyq qyzmet boıynsha maman.
1990-1993 jyldary Pavlodar qalasy Indýstrııalyq aýdandyq atqarý komıtetiniń áleýmettik qamsyzdandyrý ınspektory bolyp jumys atqarǵan. 2000-2004 jyldary Qazaq quqyqtaný jáne halyqaralyq qatynastar ınstıtýtynyń Pavlodar fılıalynda dırektordyń óndiristik praktıka jónindegi orynbasary, keıinnen oqytýshy bolyp jumys istedi. 2001-2004 jyldary negizgi maqsaty halyqqa tegin zańgerlik konsýltatsııalyq kómek kórsetý, halyqtyń osal toptaryna zańgerlik jáne advokattyq qoldaý kórsetý bolyp tabylatyn «ZAŃGER» qoǵamdyq qoryn quryp, ony basqardy. 2004-2006 jyldary «Asar» respýblıkalyq partııasy» RQB Pavlodar oblystyq fılıalynyń hatshysy boldy. 2006-2011 jyldary «Nur Otan» HDP Pavlodar oblystyq fılıaly tóraǵasynyń birinshi orynbasary, 2007-2011 jyldary Pavlodar oblystyq máslıhatynyń depýtaty, 2012-2016 jyldary V saılanǵan QR Parlamenti Májilisiniń depýtaty, 2016-2021 jyldary VI saılanǵan QR Parlamenti Májilisiniń depýtaty, Áleýmettik-mádenı damý komıtetiniń múshesi, 2021-2023 jyldary QR Parlamenti Májilisiniń VІІ shaqyrylym depýtaty, Zańnama jáne sot-quqyqtyq reforma komıtetiniń múshesi qyzmetin atqarǵan.
«Qurmet» ordeni, «Eren eńbegi úshin», «Astananyń 10 jyldyǵy», «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Táýelsizdigine 25 jyl» medaldarymen marapattalǵan.
53 jyl buryn (1971) «Habar» agenttigi» AQ Basqarma tóraǵasynyń birinshi orynbasary Lázzat Oljabaıqyzy JÚNІSOVA dúnıege kelgen.
Tselınograd qalasynda dúnıege kelgen. Semeı tehnologııalyq ınstıtýtyn «ekonomıst» mamandyǵy boıynsha (1991), ál-Farabı atyndaǵy Qazaq ulttyq ýnıversıtetin «jýrnalıstıka» mamandyǵy boıynsha (2007) bitirgen.
1996-2006 jyldary «Qazaqstan» RTRK» AQ qyzmetkeri boldy. 2006-2009 jyldary «Qazaqstan» RTRK» AQ Basqarma tóraǵasynyń birinshi orynbasary, «BTA bank» AQ brend ofısiniń dırektory, 2009-2010 jyldary «Arna Media Production» JShS dırektorynyń orynbasary, 2010 jyly «Televızııalyq jańalyqtar agenttigi» JShS dırektory, 2010-2012 jyldary «Evrazııa+ORT» JShS bas dırektory boldy. 2012-2018 jyldary «Qazaqstan» AQ Basqarma tóraǵasynyń birinshi orynbasary qyzmetin atqardy. 2018-2022 jyldary «Qazmedıa ortalyǵy» Basqarýshy kompanııasy» JShS bas dırektory boldy.
2022 jyldyń sáýir aıynan bastap qazirgi qyzmetinde.
47 jyl buryn (1977) «Astana-REK» AQ Basqarma tóraǵasynyń óndiris jónindegi birinshi orynbasary Dmıtrıı Nıkolaevıch BELIKOV dúnıege keldi.
Tselınograd qalasynda týǵan.
2003 jyly S.Seıfýllın atyndaǵy Aqmola agrarlyq ýnıversıtetin «Aýyl sharýashylyǵyn energııamen jabdyqtaý jáne elektrlendirý» mamandyǵy boıynsha bitirgen.
Eńbek joly: 1994 jyly «Katıýsha» kooperatıviniń slesari, 1996-1997 jyldary «Katıýsha» kooperatıviniń jabdyqtaýshysy, 1997 jyly «OJDH» AQ bý qazandyǵynyń mashınısi, 1997-1999 jyldary «Metallopttorg» JShS slesar-elektrshisi, 1999-2003 jyldary «Qalalyq elektr jelileri» JShS elektr berý jelileri qyzmetiniń taratý jelilerin paıdalaný jónindegi 3-dárejeli elektrmonteri bolyp jumys atqarǵan. 2003-2005 jyldary «Qalalyq elektr jelileri» JAQ Elektr berý jeliler qyzmetiniń sheberi, 2005-2006 jyldary «Qalalyq elektr jelileri» AQ Kabeldi elektr berý jeliler qyzmetiniń sheberi, 2006-2008 jyldary «Qalalyq elektr jelileri» AQ Kabeldi elektr berý jeliler qyzmetiniń aǵa sheberi, 2008-2011 jyldary «Astana-Aımaqtyq Elektrjelilik Kompanııasy» AQ Kabeldi jeliler qyzmeti bastyǵynyń orynbasary, 2011-2021 jyldary «Astana-Aımaqtyq Elektrjelilik Kompanııasy» AQ Kabeldi jeliler qyzmetiniń bastyǵy qyzmetinde boldy. 2021-2022 jyldary «Astana-Aımaqtyq Elektrjelilik Kompanııasy» AQ bas ınjenerdiń orynbasary, 2022-2023 jyldary «Astana-Aımaqtyq Elektrjelilik Kompanııasy» AQ bas ınjeneri boldy.
Qazirgi qyzmetin 2023 jyldyń qarasha aıynan bastap atqaryp keledi.
2011 jyly «Qazaqstan Elektr Energetıkalyq Kaýymdastyǵynyń qurmet gramotasymen», 2019 jyly «TMD Elektr energetıkalyq keńesiniń Qurmet gramotasymen», 2020 jyly «Qazaqstan Respýblıkasynyń Táýelsizdigine 25 jyl» merekelik medalimen, 2020 jyly «GOELRO josparynyń 100 jyldyǵy» medalimen marapattalǵan. TMD eńbek sińirgen energetıgi.
46 jyl buryn (1978) Qazaqstan Respýblıkasynyń Sankt-Peterbýrgtegi Bas konsýly Dmıtrıı Leonıdovıch MIHNO dúnıege keldi.
1999 jyly І.Jansúgirov atyndaǵy Jetisý memlekettik ýnıversıtetin «matematıka pániniń muǵalimi, ınjener-baǵdarlamashy» mamandyǵy boıynsha bitirdi. 2001 jyly halyqaralyq qatynastar salasyndaǵy mamany Qazaqstan Respýblıkasy SІM dıplomatııa akademııasyn bitirdi. 2011 jyly «memlekettik jáne mýnıtsıpaldy basqarý» mamany Reseı Federatsııasy Prezıdentiniń janyndaǵy Reseı memlekettik qyzmet akademııasyn bitirdi.
Eńbek joly: 2001-2002 jyldary QR SІM Ekonomıkalyq saıası departamentiniń referenti, 2002 jyly QR SІM Investıtsııa komıtetiniń Azııa jáne Afrıka elderimen ekonomıkalyq yntymaqtastyq bóliminiń attashesi, 2002-2005 jyldary QR SІM Memlekettik protokol qyzmetiniń attashesi, III, II hatshysy; 2005-2007 jyldary Qazaqstan Respýblıkasynyń Reseı Federatsııasyndaǵy Elshiliginiń II hatshysy; 2007-2008 jyldary QR SІM Memlekettik protokol qyzmetiniń keńesshisi, basqarma basshysy; 2008-2011 jyldary Qazaqstan Respýblıkasynyń Reseı Federatsııasyndaǵy Elshiliginiń keńesshisi, 2011-2014 jyldary QR SІM- Memlekettik protokol qyzmeti basshysynyń orynbasary, 2014-2019 jyldary Qazaqstan Respýblıkasynyń Reseı Federatsııasyndaǵy Elshiliginiń keńesshisi bolyp qyzmet atqarǵan. 2019 jyly QR SІM Memlekettik protokol qyzmeti basshysynyń orynbasary, 2019-2021 jyldary QR Prezıdenti Protokol basshysynyń orynbasary qyzmetinde boldy. 2021-2023 jyldary – Qazaqstan Respýblıkasy Prezıdenti Protokol qyzmetiniń bastyǵy.
Qazirgi qyzmetin 2023 jyldan bastap atqaryp keledi.
39 jyl buryn (1985) «Almaty» Áleýmettik-kásipkerlik korporatsııasy» AQ Basqarma tóraǵasynyń orynbasary Erden Qanaǵatuly ALDAJAROV dúnıege keldi.
T. Rysqulov atyndaǵy Qazaq Ekonomıkalyq Ýnıversıtetinde (QazEÝ) jáne Qytaı Til jáne mádenıet ýnıversıtetinde (BLCU) oqyǵan.
Eńbek jolyn 2006 jyly «AstanaEnergoSbyt» JShS-de bastaǵan. 2012-2019 jyldary «Qazaqstan-Qytaı Qubyry» JShS, «Beıneý-Shymkent Gaz Qubyry» JShS, «MunaıTas» Soltústik-Batys qubyr kompanııasy» JShS jáne «Stroı Proekt KZ» JShS basshylyq qyzmetterin atqardy.
Qazirgi qyzmetin 2023 jyldyń maýsym aıynan bastap atqaryp keledi.
107 jyl buryn (1917-2011) qazaq teatr jáne kıno aktrısasy, SSRO halyq ártisi Hadısha Bókeıqyzy BÓKEEVA dúnıege keldi.
Batys Qazaqstan oblysy Kaztalov aýdany Kaztalovka aýylynda dúnıege kelgen. Ata-anasynan erte aırylyp, balalar úıinde tárbıelengen.
Sankt-Peterbýrg teatr óneri ınstıtýtyn bitirgen soń (1938), Shymkent oblysynyń drama teatryn ashqan. Osy teatrda Eńlik (M. Áýezovtiń «Eńlik-Kebeginde»), Aqtoqty (Ǵ. Músirepovtiń «Aqan seri-Aqtoqtysynda»), Lıýdmıla (A. Ostrovskııdiń «Keshikken mahabbatynda») sııaqty róldermen kórermen nazaryn aýdarǵan.
Bókeeva 1942 jyly Shekspırdiń «Asaýǵa tusaýyndaǵy» Katarınany oınaý úshin Almatyǵa Qazaq drama teatryna shaqyryldy. 1938-1942 jyldary Shymkent oblysy qazaq drama teatrynyń ártisi, 1942 jyldan ómiriniń sońyna deıin M. Áýezov atyndaǵy Qazaq memlekettik akademııalyq drama teatrynyń ártisi bolǵan. 1965 jyldan bastap ustazdyq qyzmetin atqardy.
1946 jyly «Qurmet belgisi» ordenimen, 1952 jyly KSRO Memlekettik syılyǵynyń laýreaty, 1957 jyly Qazaqstannyń halyq ártisi (Qazaq KSR halyq artısi), 1959 jyly KSRO-nyń eń joǵarǵy Lenın ordeni berildi. 1964 jyly KSRO halyq ártisi, 1974 jyly professor, 1987 jyly «Halyqtar dostyǵy» ordenimen, 2000 jyly QR Prezıdentiniń Jarlyǵymen «Otan» ordenimen marapattaldy.