2050 jyly álemde mıgranttar sany 320 mıllıonnan asady - BUU
12:01, 10 Mamyr 2016
ASTANA. QazAqparat - Qazirgi kórsetkishter saqtalǵan jaǵdaıda álemdegi mıgranttar sany XXI ǵasyrdyń ortasynda 351 mln adamǵa jetedi. Bul týraly BUU bas hatshysy Pan Gı Mýnnyń 2016 jylǵy 19 qyrkúıekte Nıý-Iorkte ótetin bosqyndar men kóshi-qon problemasy boıynsha forýmǵa daıyndaǵan baıandamasynda aıtyldy.
BUU saıtynda jarııalanǵan qujatta 2015 jyly halyqaralyq mıgranttar men bosqyndar sany 244 mln adamǵa jetkeni atap ótiledi. Bul 71 mln nemese 2000 jylmen salystyrǵanda, 41 paıyzǵa kóp.
BUU bas hatshysy soǵys, adam quqyǵynyń buzylýy, ekonomıkalyq daǵdarys, klımattyń ózgerýi, tabıǵı apattar adamdardyń óz úılerin tastap qashýyna soqtyryp jatqandyǵyn atap ótken.
«Boljam boıynsha, álem halqy keleshekte arta túsedi, ıaǵnı 2050 jyly 9,7 mlrd adam bolady. Kúlli álem halqy quramyndaǵy halyqaralyq mıgranttar úlesi turaqty bolǵan jaǵdaıda 2050 jyly olardyń sany 321 mln adamǵa jetedi», - delingen baıandamada.