2050 jylǵa qaraı álem halqynyń 70 paıyzy qalalarda ómir súredi

ASTANA.QazAqparat - 2050 jylǵa qaraı ǵalamshar turǵyndarynyń 70 paıyzy qalalarda turatyn bolady. Bul týraly Kýala-Lýmpýrda ótip jatqan Búkilálemdik qalalar forýmynda aıtyldy, dep habarlaıdy BUU Jańalyqtar ortalyǵy.

Jıynda sóz sóılegen BUU Eldi mekender boıynsha baǵdarlamasynyń basshysy Maımýnah Moht Sharıf jýyqta jasalǵan zertteýler turaqty ýrbanızatsııa ǵalamdyq jylyný men kedeıshilik sııaqty máselelerdi sheshýdiń mańyzdy quraly ekendigin aıtty.

Qazirdiń ózinde jer betindegi adamzat ataýlynyń jartysy qalalarda turady eken. 2050 jylǵa qaraı olardyń sany 6,3 mıllıardqa jetpek. Qazir adamdar eń kóp ornalasqan qala Tokıo, munda 37,2 mln adam ómir súredi. Odan keıin Delı qalasy - 22,7 mln, Mehıko men Nıý-Iorktiń 20,4 mln turǵyny bar.

Forýmnyń kún tártibinde 2030 jylǵa deıingi damý josparlary qaraldy. Alǵa qoıylǵan 17 maqsattyń birinde qalalalardyń qaýipsizdigi men beriktigin kúsheıtý týraly aıtylady.