2050 jylǵa qaraı júrdek poıyzdar Eýropanyń barlyq astanasyn baılanystyrýy múmkin

<p>ASTANA. KAZINFORM &ndash; Tańǵy as Parıjde, túski as Frankfýrtta, keshki as Venada &ndash; 2050 jylǵa qaraı júrdek poıyzdar Eýropanyń barlyq astanasyn baılanystyrady dep josparlanyp otyr, dep habarlaıdy&nbsp;<a href="https://ru.euronews.com/my-europe/2024/09/24/eu-high-speed-train-strategy-ok?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews.</a>&nbsp;</p>

Temirjol salasynyń ókilderi men saıasatkerler órshil jospardy Brıýsselden Berlınge deıingi alty saǵattyq sapar barysynda talqylady.

Qazirgi ýaqytta EO-daǵy temirjol jelileri quraq kórpe tárizdes. Qaýymdastyq elderi jol ınfraqurylymyna 15 trln eýro jumsasa, al temir joldy damytýǵa shyǵyny aıtarlyqtaı az boldy. 

Sarapshylardyń pikirinshe, joǵary jyldamdyqty jeli qurylysy mıllıondaǵan jumys ornyn ashýy múmkin. Sonymen qatar temirjol kóligi ekologııalyq jaǵynan áldeqaıda taza.

«Bizge tıimdirek jeli kerek. Eýropalyq komıssııanyń áýe kóligimen ádil básekelestik bolýy úshin temir jol qurylysyn sýbsıdııalaýǵa ruqsat berýin qalaımyz. Biz eki kólik túri arasynda neǵurlym teń oıyn alańyn jasaýymyz jáne olardyń eń jasyl túri – poıyzǵa qoldaý kórsetýimiz kerek», - dedi Belgııanyń kólik mınıstri Jorj Jılkıne. 

Ázirge eýropalyqtar temirjoldan góri áýe kóligimen saparlaýdy artyq kóredi. Oǵan ushaq bıletteriniń arzan bolýy da sebep. Biraq taǵy bir másele bar.

«Túrli saıası sebepterge baılanysty shekarany poıyzben kesip ótý qıyn, óıtkeni bul halyqaralyq baǵyttar boıynsha ulttyq úkimetterdiń de, ulttyq temirjol kompanııalarynyń da basymdyǵy emes. Sondyqtan men EO-nyń qandaı da bir saıası shara qoldanǵanyn qalaımyn. EO-ǵa ol sheshýi tıis máseleler bar ekenin aıtqym keledi», - dedi temirjol kóliginiń táýelsiz sarapshysy Djon Ýort.