2050 jylǵa qaraı klımattyq mıgranttardyń sany 1,2 mlrd-qa jetýi múmkin

<p>Dýbaıda ótken COP-28 halyqaralyq klımat forýmy aıasynda &laquo;Ózbekstan&raquo; pavılonynda &laquo;Klımattyq mıgranttar, táýekelder jáne beıimdelý&raquo; taqyrybynda paneldik sessııa ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Ózbekstan Ekologııa mınıstrliginiń baspasóz qyzmetinen habarlaǵandaı, sharanyń maqsaty — klımat ózgergen jaǵdaıda táýekelder men kóshi-qonǵa qatysty tájirıbe almasý úshin Ortalyq Azııa elderiniń múddeli organdaryn birlese jumys isteýge shaqyrý.

Ózbekstannyń Ekologııa mınıstri Azız Abdýhakımov klımattyń ózgerýi saldarynan álem elderi úshin birqatar másele týyndap otyrǵanyn atap ótti.

Klımat jáne ózge de sebepterge baılanysty dúnıejúzi halqynyń jartysyna jýyǵy sý tapshylyǵyna ushyraıdy.

«Tıisinshe olar óz aýmaǵynan kete bastaıdy. Sońǵy zertteýlerge sáıkes, klımattyq mıgranttardyń sany 2050 jylǵa qaraı 1,2 mıllıardqa jetýi múmkin», — dep toqtaldy mınıstr.

Zertteý kórsetkendeı, sońǵy 50-60 jyl ishinde klımattyń ózgerýi saldarynan Ortalyq Azııadaǵy muzdyqtardyń 30 paıyzy eridi.

Sońǵy birneshe onjyldyqta ortasha jyldyq temperatýra 1,5 gradýsqa ósti.

Qosa ketsek, buǵan deıin Ózbekstanda zııandy shyǵaryndylardy esepke alý jónindegi ulttyq reestr qurylatynyn jazyp edik.