2040 jylǵa qaraı plastık qaldyqtaryn 80 paıyzǵa azaıtýǵa bolady

NЬıÝ-IORK. QazAqparat - Qoldanystaǵy tehnologııalardy qoldana otyryp, 2040 jylǵa qaraı plastıkalyq lastanýdy 80 paıyzǵa azaıtýǵa bolady. Ol úshin saıasatqa tereń ózgerister engizý qajet, bul rette memleketter de, jeke sektorlar da kúsh salýy tıis. BUU-nyń Qorshaǵan ortany qorǵaý baǵdarlamasynyń (ıÝNEP) jańa zertteýiniń avtorlary osyndaı qorytyndyǵa keldi, dep habarlaıdy QazAqparat BUU jańalyqtaryna silteme jasap.

Baıandama Parıjde plastıkalyq lastanýmen kúresý jónindegi jahandyq kelisimge arnalǵan kelissózderdiń ekinshi raýndy aldynda jarııalandy. Qujat plastıkalyq lastanýdy toqtatý jáne aınalmaly ekonomıkalyq modeldi qurý úshin qajetti ózgeristerdiń kólemi men sıpatyn baıandaıdy.

2040 jylǵa qaraı búkil álem boıynsha plastık lastanýyn 80 paıyzǵa azaıtý úshin aldymen plastıktiń ózin azaıtý usynyldy. Baıandama avtorlary naryqta úsh ózgeris engizýge shaqyrdy – taýarlardy qaıta paıdalaný, qaıta óńdeý, qaıta baǵdarlaý jáne ártaraptandyrý.

Qaldyqtardy qaıta óńdeý turaqty jáne tıimdi bıznes bolǵan jaǵdaıda 2040 jylǵa qaraı plastmassadan lastaný kóleminiń taǵy 20 paıyzǵa azaıýyna qol jetkizýge bolady. Qazba otyndaryn óndirýge jáne óndirýge sýbsıdııalardy alyp tastaý, qaıta óńdeýge jaramdylyǵyn arttyrý úshin jobalaý nusqaýlyqtaryn oryndaýdy qamtamasyz etý jáne basqa sharalar ekonomıkalyq turǵydan qaıta óńdeýge jaramdy plastmassalardyń úlesin 21 paıyzdan 50 paıyzǵa deıin arttyrýǵa múmkindik beredi.

Sonymen qatar, zertteý avtorlary qaıta óńdelgen materıaldardyń básekege qabilettiligin arttyratyn jáne monıtorıng júıeleri men qarjylandyrý tetikterin quratyn halyqaralyq saıasatqa jahandyq salyq júıesin engizýdi usyndy.