2033 jylǵa deıin 100 mln tonna Reseı munaıyn tasymaldaý josparlanyp otyr – Prezıdent

<p>Reseı munaıyn elimiz arqyly tasymaldaý qarqyny óse túsedi. Bul týraly QR Prezıdenti Qasym-Jomart Toqaev &laquo;Izvestııa&raquo; gazetine bergen suhbat barysynda málim etti, dep habarlaıdy Kazinform.&nbsp;</p>

«Qazaqstan men Reseıdiń munaı salasyndaǵy yntymaqtastyǵy burynnan tabysty damyp keledi. Elimizde «Lýkoıl» jáne «Tatneft» sııaqty reseılik kontsernder jemisti jumys istep jatyr. Bıyl aqpan aıynda «QazMunaıGaz» ben «Lýkoıl» Kaspıı teńiziniń qazaqstandyq bóligindegi «Qalamqas teńiz», «Hazar», «Áýezov» ken oryndaryn ıgerý jobasy boıynsha birqatar kelisim jasady», - dep jaýap berdi Memleket basshysy suhbat saýalyna. 

Memleket basshysy aıtqan málimetke sáıkes ótken jyly «Kazakhstan Petrochemical Industries (KPI)» munaı hımııasy kesheniniń qurylysy aıaqtaldy. 

Ol álemde polıpropılen óndiretin eń iri on kásiporynnyń qataryna kiredi. Atalǵan jobaǵa reseılik «Sıbýr» kompanııasy da qatysady. 

Odan bólek, 2022 jyly Saran qalasynda «Tatneft» kompanııasynyń qatysýymen avtomobıl dóńgelekterin shyǵaratyn «KamaTyresKZ» zaýyty salyndy. 

«Eki eldiń aýmaǵy arqyly tasymaldanatyn munaıdyń úlesi aıtarlyqtaı zor. Qazaqstan munaıynyń 80 paıyzǵa jýyǵy Reseı aýmaǵy arqyly (Kaspıı qubyr jelisi konsortsıýmy) syrtqy naryqqa eksporttalady. Sol sııaqty Reseı munaıy Qazaqstan aýmaǵy arqyly Qytaı Halyq Respýblıkasyna jetkiziledi. 2033 jylǵa deıingi kezeńde 100 mıllıon tonnadan astam Reseı munaıyn tasymaldaý josparlanyp otyr», - deıdi Q.Toqaev.