2030 jyly munaı men kondensat óndirisiniń jalpy kólemi shamamen 112 mln. tonnany quraýy tıis

ASTANA. QazAqparat - 2030 jyly munaı men kondensat óndirisiniń jalpy kólemi shamamen 112 mln. tonnany quraýy tıis. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Munaı jáne gaz mınıstri Uzaqbaı Qarabalın málim etti.

Onyń atap ótýinshe, 2040-2050 jyldary munaı men gazǵa álemdegi suranystyń deńgeıi tómendemeıdi. Sondyqtan bolashaqta kóp jyldarǵa deıin munaı men gaz naryqta suranysqa ıe bola beredi. Jalpy, Qazaqstan qazirgi tańda munaı qory boıynsha álemde 12-orynda, al gaz qory boıynsha 20-orynda tur.

Sondyqtan da búgingi Úkimet otyrysynda Qazaqstannyń janarmaı-energetıkalyq keshenin 2030 jyla deıin damytý tujyrymdamasy qaralǵanyn atap ótken mınıstr: «Atalǵan qujatqa sáıkes 2030 jyly munaı men kondensat óndirisiniń jalpy kólemi shamamen 112 mln. tonnany quraýy tıis. Al bul kórsetkish ótken jyly 81,8 mln. tonna bolǵan edi», - dedi.