2030 jyly Qazaqstan turǵyndarynyń 56 paıyzy kógildir otynmen qamtamasyz etiledi
Onyń atap ótýinshe, búgin Úkimet otyrysynda qarastyrylǵan Qazaqstan Respýblıkasyn gazdandyrýdyń bas syzbasynda ishki naryqtaǵy gaz tutynýy kólemi qazirgi 11 mlrd. tekshe metrden 2030 jylǵa qaraı 18 mrld. tekshe metrge deıin ósetindigi kórsetilgen. Gaz tutyný kólemi ÚIID memlekettik baǵdarlamasy jobalaryn iske asyrý esebinen arttyrylady.
«Al endi gazdandyrylǵan eldi mekender búgingi 988-den 1621-ge jetedi. Abonentterdiń sany búgingi tańdaǵy 1 mln. 400 myńnan 2 mln. 900 myńǵa deıin jetedi dep otyrmyz. Árbir ortbasynda orta eseppen 4 adam bolǵanda, qazirgi 5,6 mln. adamnan 2030 jyly 12 mln. adamǵa deıin gazdandyrylady», - dedi mınıstr.
Onyń atap ótýinshe, jańa gaz qubyrlary salynyp, qazirgi uzaqtyǵy 28 myńnan 57 myń shaqyrymǵa deıin jetkiziledi.
«Al 2030 jyly Qazaqstan turǵyndarynyń gazben qamtylýy aǵymdaǵy 32 paıyzdan 56 paıyzǵa deıin jetip, 13 oblys gazdandyrylatyn bolady», - dedi U.Qarabalın.