2030 jylǵa qaraı sý tapshylyǵy 23,2 tekshe shaqyrymdy quraýy múmkin – mınıstrlik

NUR-SULTAN. QazAqparat – 2030 jylǵa qaraı sý resýrstarynyń tapshylyǵy 23,2 tekshe shaqyrymdy quraýy múmkin. Bul týraly QR Ekologııa, geologııa jáne tabıǵı resýrstar vıtse-mınıstri Serik Qojanııazov aıtty, dep habarlaıdy QazAqparat tilshisi.

«Eldegi sý sharýashylyǵy jaǵdaıyn jaqsartý boıynsha qabyldanyp jatqan sharalarmen qatar, shekaralas elderdiń aýmaǵynan keletin sý aǵynynyń qysqarýy boljanýda. El ishinde de, odan tys jerlerde de antropogendik áserdi eskere otyryp, 2030 jylǵa qaraı sý resýrstarynyń tapshylyǵy shamamen 23,2 tekshe shaqyrymdy quraýy múmkin», - dedi ol mınıstrliktiń alqa májilisinde.

Onyń atap ótýinshe, oǵan transshekaralyq aǵyndarǵa úlken táýeldilik, tómen sý tıimdiligi, sý sharýashylyǵy ınfraqurylymynyń qatty tozýy, ýákiletti organnyń jetilmegen qurylymy jáne tómen jasaqtalýy, álsiz ǵylymı súıemeldeý negizgi sebep bolmaq.

«Osy problemalardyń birqatary qazirdiń ózinde «Jasyl Qazaqstan» ulttyq jobasy aıasynda iske asyrylýda. Oǵan sáıkes 2025 jylǵa qaraı sýarý kezindegi shyǵyndy 4 tekshe shaqyrymǵa qysqartý, al ónerkásipte taza sý alý kólemin 1,3 tekshe shaqyrymǵa azaıtý josparlanǵan», - deıdi Serik Qojanııazov.