2030 jylǵa qaraı el halqynyń 56 paıyzy kógildir otyn qyzyǵyn kóredi

ASTANA. QazAqparat - 2030 jylǵa qaraı el halqynyń 56 paıyzy gazǵa qol jetkizedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Energetıka birinshi vıtse-mınıstri Uzaqbaı Qarabalın málim etti.

«Elimizdi gazdandyrý jóninde basty syzbamyz bar. Ol Úkimettiń 2014 jylǵy 4 qarashadaǵy qaýlysymen qabyldanǵan. Oǵan sáıkes 2030 jylǵa qaraı el halqynyń 56 paıyzy gazǵa qol jetkizedi. ıAǵnı, 1600 eldi mekenge gaz beriledi. Osylaısha, bizdiń paıdalanatyn gazymyzdyń mólsheri otyzynshy jylǵa qaraı 18 mlrd. tekshe metrge jetetin bolady», - dedi ol. Onyń atap ótýinshe, qazirgi ýaqytta paıdalanýǵa berilgen iri gaz qubyrlarynyń biri - «Beıneý-Bozoı-Shymkent» qubyry. Ol Syrdyń boıymen ótkendikten, kóptegen eldi mekender gazdandyrylady. Budan bólek aımqatarǵa da gaz jetkizý jumystary jalǵasa beretin bolady. «Magıstraldyq qubyrlar salynǵannan keıin eldi mekenderge orta jáne tómengi qysymmen gaz jetkizetin júıeleri jergilikti ákimshilik bıýdjetteri esebinen salynady. Sonymen qatar respýblıkalyq bıýdjet esebinen de qarjy bólinedi», - dedi U.Qarabalın.