2030 jylǵa qaraı Astananyń turǵyn úı qory 37 mıllıon sharshy metrge jetedi

ASTANA. QazAqparat - 2030 jylǵa qaraı Astana qalasynyń turǵyn úı qory 37 mıllıon sharshy metrge jetýi kerek. Búgin Májiliste «Nurly jol» baǵdarlamasyn iske asyrý sheńberinde jlǵa beriletin turǵyn úı qurylysynyń barysy men turǵyn úı ınfraqurylymyn nyǵaıtý sharalary taqyrybyndaǵy dóńgelek ústelde Astana qalasy ákiminiń birinshi orynbasary Sergeı Horoshýn málim etti.

«2030 jylǵa qaraı Astana qalasynyń halyq sany 1 mıllıon 220 myń bolǵanda, elordadaǵy turǵyn úı qorynyń jalpy aýdany 37 mıllıon sharshy metrge jetýi kerek. Bul rette bir turǵynǵa 30 sharshy metrden keletin norma qarastyrylyp otyr. Búgingi tańda Astananyń turǵyn úı qory 19 mıllıon sharshy metrdi quraıdy. Bul rette sońǵy 18 jylda 15,5 mln. sharshy metr paıdalanýǵa berilgen. ıAǵnı, biz 2030 jylǵa deıin belgilengen mejege jetý úshin jyl saıyn 1 mln. 100 myń sharshy metr turǵyn úı salynýy tıis», - dedi S. Horoshýn.

Ákim orynbasarynyń aıtýynsha, 2015 jyly qalada 1 mln. 759 myń sharshy metr turǵyn úı paıdalanýǵa berildi. Jospar boıynsha bul kórsetkish aǵymdaǵy jyly 2 mln. sharshy metrge jetkizilmek.