2030 jylǵa deıin 13 oblys gazben qamtamasyz etiledi - Energetıka mınıstrligi

ASTANA. QazAqparat - Eldi gazdandyrýdyń jospary aıasynda 2030 jylǵa deıin 13 oblys gazben qamtamasyz etiledi. Búgin Ortalyq kommýnıkatsııalar qyzmetindegi brıfıngte Energetıka vıtse-mınıstri Maǵzum Myrzaǵalıev osylaı málim etti.

2014 jyldyń qarashasynda Úkimet eldi gazdandyrýdyń 2015-2030 jyldarǵa arnalǵan Bas syzbasyn bekitkenin eske salyp ótken mınıstrdiń orynbasary, osy Bas syzbany júzege asyrý aıasynda 2030 jylǵa deıin 13 oblys gazben qamtylatynyn atap ótti.

Belgili bolǵandaı, búginde elimizdiń 42 paıyzy gazben qamtylyp otyr. Al, Bas syzba boıynsha turǵyndardyń 56 paıyzy gazben qamtamasyz etilip, jańa gaz qubyrlarynyń jalpy uzyndyǵy 30 shaqyrymǵa jýyqtaıdy eken. 2030 jylǵa deıingi bul salaǵa qajetti ınvestıtsııa kólemi 656 mlrd teńgege jetedi.

Onyń sózine qaraǵanda, 2014 jyly respýblıkada tabıǵı gazdy tutyný kólemi 12,4 mlrd tekshe metrge jetti.

Vedomstvo málimetinshe, byltyr gaz óndirý kólemi 43,2 mlrd. tekshe metrdi qurady.