2030 jylǵa deıin 13,5 mln qazaqstandyq gazben qamtylmaq

NUR-SULTAN. QazAqparat – 2030 jylǵa deıin qazaqstandyqtardyń 65 paıyzyn gazben qamtý josparlanyp otyr, dep habarlaıdy QazAqparat tilshisi «Atameken» UKP silteme jasap.

Palata deregine súıensek, kógildir otynǵa birinshi kezekte elimizdiń ortalyq jáne soltústik óńirleri qosylady. Josparǵa saı, gaz óndirý kólemi artady. ıAǵnı, búgingi 29,4 mlrd tekshe metrden, 2030 jylǵa qaraı 42 mlrd tekshe metrge deıin. Sondaı-aq, kógildir otyn tasymaldaýǵa arnalǵan ınfraqurylymnyń 25 paıyzy jóndeýden ótpek.

«Josparǵa qaramastan, is júzinde óndiriletin shıki gazdyń úshten biri ony óndirý isinde energııa kózi retinde qaıta jumsalatynyn umytpaǵan jón. Bul oraıda kógildir otyn óndiretin kásiporyndardyń tehnıkalary men qajetti qural-jabdyqtaryna ketetin energııany basqa kózderden alýdy qarastyrý mańyzdy. Osylar júıeli jolǵa qoıylsa, onda gaz kólemin jylyna 33 mlrd tekshe metrge deıin arttyrýǵa bolady», - dedi «Atameken» palatasy bazalyq salalar departamentiniń basqarýshy dırektory Dinmuhamed Qudaıbergenov.

Bul baǵyttaǵy jumystardy sheshý úshin kásipkerler palatasy shaǵyn jáne orta bıznes ókilderin tartýdy, olardy yntalandyrý sharalaryn bekitýdi usynyp otyr.