2030 jylǵa deıin 70 eldi mekendi tasqynnan qorǵaıtyn 20 sý qoımasy salynady

<p>ASTANA. KAZINFORM &ndash; Sý resýrstary jáne ırrıgatsııa mınıstri Nurjan Nurjigitov Úkimet otyrysynda 2030 jylǵa deıin 70 eldi mekendi tasqynnan qorǵaıtyn 20 sý qoımasy salynatynyn aıtty.</p>

«2030 jylǵa deıin 9 oblystyń aýmaǵynda 20 jańa sý qoımasynyń qurylysy aıaqtalady dep josparlanyp otyr. 20 sý qoımasyn iske qosý halqynyń sany 137 myń adam bolatyn 70 aýyldyq eldi mekendi sý basý qaýpin tómendetýge múmkindik beredi», - dedi mınıstr.

Sondaı-aq ol qazir mınıstrlik 9 nysan boıynsha jobalyq-smetalyq qujattama ázirlep jatqanyn atap ótti.

«Buǵan qosa 9 oblystyń aýmaǵyndaǵy 15 sý qoımasyn qaıta jaraqtaý jumystary bastalady. Bul 75 myń adam turyp jatqan 64 eldi mekenniń sý basý qaýpin tómendetýge múmkindik beredi», - dedi Nurjan Nurjigitov.