2029 jylǵa deıin elordada 206 apatty turǵyn úı súriledi
18:54, 13 Tamyz 2023
ASTANA. QazAqparat – 2029 jylǵa deıin elordada 206 apatty turǵyn úı súriletin bolady. Bul týraly Astana qalasynyń ákimdiginen málim etti, dep habarlaıdy QazAqparat tilshisi.
«Turǵyn úı-kommýnaldyq ınfraqurylymdy damytýdyń 2026 jylǵa deıingi tujyrymdamasyna sáıkes, Astana qalasynda turǵyn úı qoryn jańartý (apatty (eski) turǵyn úıdi buzý) jobasy iske asyrylýda. Búgingi tańda Astana qalasy boıynsha apatty jaǵdaı týraly qorytyndysy bar jáne 2015 jyldan bastap buzýdy talap etetin 206 úı, onyń ishinde 18 apatty jataqhana bar. Osyǵan baılanysty qazirgi ýaqytta 2023-2029 jyldary buzýǵa jatatyn 4710 páterge arnalǵan 206 apatty úıdiń tizbesi qalyptastyryldy. Buzýǵa jatatyn Astana qalasynyń apatty úıleriniń tizbesi týraly aqparat saıtta jarııalandy», -dedi ákimdik agenttiktiń resmı saýalyna oraı.