2029 jylǵa deıin 150 mlrd dollar ınvestıtsııa tartý qajet – Premer-Mınıstr

ASTANA. QazAqparat – Táýilsizdik jyldary elimizge 410 mlrd dollar tilkeleı ınvestıtsııa tartyldy. Muny Cheh-Qazaqstan bıznes-formýyna qatysqan Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Táýilsizdik jyldary elimizge 410 mlrd dollar tilkeleı ınvestıtsııa tartyldy. Strategııalyq maqsat – 2029 jylǵa deıin taǵy 150 mlrd dollar ınvestıtsııa tartý. Investorlarǵa jan-jaqsy memlekettik qoldaý kórsetiledi, sonymen qatar olarǵa salyqtyq jeńildik jasalady. Buǵan qosa, Qazaqstandaǵy arnaıy ekonomıkalyq aımaqtarǵa tartylǵan ınvestorlarǵa barlyq ınfroqurylymdyq qoldaý kórsetiledi. Osy oraıda «Astana» Halyqaralyq qarjy ortalyǵyna toqtalǵym keledi. Onyń qyzmeti sheteldik ınvestorlarǵa qajetti jaǵdaı jasaýǵa, olarǵa qoldaý kórsetý tetikterin pysyqtaýǵa arnalǵan», - dep málim etti Premer-Mınıstr bıznes-forýmnyń ashylý saltanytynda sóılegen sózinde.

Onyń sózinshe, búgingi forým Qazaqstan men Cheh Respýblıkasy arasyndaǵy ózara taýar aınalymy men ınvestıtsııalardyń kólemin ulǵaıtýǵa yqpal etpek. Sonymen qatar, seriktestik aıasynda jańa jobalardy qolǵa alý josparlanyp otyr.

Buǵan qosa, Úkimet basshysy ótken jyly Qazaqstan men Chehııa arasyndaǵy taýar aınalymy 67%-ǵa óskenin atap ótti. Sondaı-aq, 15 jylda chehııalyq kompanııalar Qazaqstan ekonomıkasyna 270 mln dollar ınvestıtsııa salǵan.