2029 jylǵa deıin 1 mln-nan astam otbasy baspanaly bolady
«2029 jylǵa deıin 111 mln sharshy metr turǵyn úıdi paıdalanýǵa berý josparlanýda. 1 mln-nan astam otbasy jańa turǵyn úımen qamtamasyz etiletin bolady. Osy jyly 15 mln. sharshy metrden astam, nemese 138 myń turǵyn úı salynýda. Apatty jáne tozyǵy jetken úıler boıynsha qaıta jańartý baǵdarlamalaryn iske asyrý jumystary keńeıtiledi», - dedi Úkimet basshysy.
Onyń atap ótýinshe, jergilikti ózin-ózi basqarý júıesin damytý úshin tıisti zań jobasy ázirlendi. Aýdandar men oblystyq mańyzy bar qalalar ákimderin tikeleı saılaýdy engizý boıynsha zańnamalyq aktilerge túzetýler qabyldandy. Aglomeratsııalardy damytý týraly zań jobasy qazir Senattyń qaraýynda. Jańa ákimshilik reforma aıasynda memlekettik basqarý deńgeıleri arasyndaǵy ókilettikterdi ortalyqsyzdandyrý boıynsha tıisti Jol kartasy ázirlendi. Ákimshilik reforma máseleleri jónindegi zań jobalary Parlament Májilisine naýryz aıynda engiziletin bolady.
«Bıyl 128 mlrd teńge somasyna 576 aýyldyq eldi mekenniń ınfraqurylymyn jańǵyrtýǵa baǵyttalǵan «Aýyl – el besigi» jobasyn iske asyrý jalǵasýda. Kelesi jyly 663 aýyldyq eldi mekende 140 mlrd teńge somasyna 1,6 myń jobany iske asyrý josparlanǵan. Aýyl aýmaqtaryn damytýdyń 5 jylǵa arnalǵan tujyrymdamasy ázirlenýde», - dedi Álıhan Smaıylov.