2029 jyldyń sońyna deıin 11 myń shaqyrym temirjol jóndeledi

ASTANA. QazAqparat – Úkimet otyrysynda Indýstrııa jáne ınfraqurylymdyq damý mınıstri Qaıyrbek Óskenbaev Prezıdenttiń saılaýaldy baǵdarlamasy aıasynda iske asatyn sharalardy atady, dep habarlaıdy QazAqparat tilshisi.

«Qorǵanys ónerkásibin damytý jónindegi tujyrymdama ázirlendi. Onyń sheńberinde 2029 jylǵa deıin zamanaýı tehnologııalardy transfertteý jáne qarý-jaraq pen áskerı tehnıkanyń jetekshi álemdik óndirýshilerimen óndiristi oqshaýlaýdy ulǵaıtý jónindegi jobalar iske asyrylatyn bolady.

Otandyq qaıta óńdeýshilerdi bazalyq shıkizatpen qolaıly baǵamen qamtamasyz etý boıynsha zańnamalyq túzetýler paketi daıyndaldy.

Aýyl sharýashylyǵy tehnıkasyn lızıng boıynsha qarjylandyrý tetiginiń 2 nusqasy pysyqtalyp jatyr: birinshisi – respýblıkalyq bıýdjet arqyly, ekinshisi – Óndirýshilerdiń keńeıtilgen mindettemeleri operatorynyń qarajaty esebinen», - dedi mınıstr.

Onyń sózine qaraǵanda, 2030 jylǵa deıingi kólik-logıstıkalyq áleýet tujyrymdamasynyń jobasy ázirlengen. Bekitý merzimi – jyldyń sońyna deıin.

«2029 jyldyń sońyna deıin 11 myń shaqyrym temirjol ýchaskesin jóndeý josparlanyp otyr. 2023 jyly 882 shaqyrym temirjolda jumys júrgiziletin bolady.

Infraqurylymdyq temirjol jobalaryn iske asyrý bastaldy. «Dostyq-Moıynty» ýchaskesiniń ekinshi joldarynyń qurylysy bıyl qarasha aıynda bastaldy. Qalǵan jobalar boıynsha tehnıkalyq qujattama ázirlenip jatyr.

Respýblıkalyq mańyzy bar avtojoldar men jergilikti jelini salý jáne rekonstrýktsııalaý jalǵasýda. 2029 jyldyń sońyna deıin respýblıkalyq mańyzy bar jáne jergilikti mańyzy bar 22 myńnan astam avtojoldyń qurylysy men jol jóndeý jumystarymen qamtý josparlanyp otyr

Jergilikti atqarýshy organdarmen birlesip biz iri qalalarda elektromobılder úshin qajetti ınfraqurylymdy qurý jónindegi Jol kartasyn ázirleýge kiristik», - dedi Qaıyrbeks Óskenbaev.