2029 jyly Jezqazǵan men Sátbaev qalalarynda ekinshi jylý elektr ortalyǵy salynady
Berik Ábdiǵalıuly oblystyń byltyrǵy áleýmettik-ekonomıkalyq damý qorytyndysy týraly esep berdi. Onyń aıtýynsha, negizgi kapıtalǵa salynǵan ınvestıtsııa kólemi 14 paıyzǵa ósip, 210,1 mıllıard teńgege jetken. Osy rette jeke ınvestıtsııanyń úlesi 90 paıyz bolǵan. Ótken jyly óńirde jalpy somasy 10 mıllıard teńge bolatyn 3 iri joba iske asyryldy. Bıyl kem degende 16 jobany, onyń ishinde ónerkásip jáne geologııa baǵyttary boıynsha 8, týrızm jáne saýda salalarynda 3, agroónerkásip kesheninde 5 jobany iske qosý josparlanǵan. Nátıjesinde óńirde 700 jańa jumys orny ashylady.
Bıyl agrarlyq salada qus fabrıkasyn, et óńdeý keshenin salý, 3000 gektar aýmaqta kartop jáne kókónis ósiretin fermerlik sharýashylyqtardy iske qosý kózdelip otyr. «Jaıly mektep» ulttyq jobasy aıasynda 2024-2025 jyldary 3600 oryndyq 6 mektep salynady. Onyń bireýi bıyl Jezqazan qalasynda paıdalanýǵa berilmek. Sonymen qatar: bıyl iske qosylatyn 10 sport nysany jaıynda baıandady. 320 adamǵa arnalǵan basseıni bar kópfýnktsıonaldy sport kesheni, Jezqazǵan qalasynda «Qazaqmys» korporatsııasy «Namys» SK balalar men jasóspirimder sport akademııasy, Jezdi jáne Jańaarqa kentterinde dene shynyqtyrý-saýyqtyrý keshenderi, Qarajalda jabyq basseın, sondaı-aq angar tıpti 5 oıyn kesheni salynady.
Ákim oblystaǵy jylytý maýsymynyń jáne jylýmen qamtamasyz etý jumystarynyń barysy týraly aıtty. Infraqurylymdy odan ári damytýǵa baılanysty 2029 jyly Jezqazǵan men Sátbaev qalalarynda ekinshi jylý elektr ortalyqtarynyń qurylysyn júrgizý josparlanyp otyr. Bul ortalyqtar jylý tapshylyǵy máselesin sheshýge tıis. Jezqazǵan – Qyzylorda jáne Jezqazǵan – Arqalyq joldarynyń qurylys-montajdaý, sondaı-aq Úıtas-Aıdos sý qubyryn rekonstrýktsııalaý jumystary bastalǵany jaıynda baıandady.
Qasym-Jomart Toqaev óńirdi odan ári damytý jáne turǵyndardyń ál-aýqatyn jaqsartý jóninde birqatar tapsyrma berdi.