2029 jylǵa qaraı JІÓ kólemi 450 mlrd dollarǵa jetedi – Úkimet basshysy

<p>ASTANA. KAZINFORM &ndash; Úkimet basshysy Oljas Bektenov jalpy ishki ónim kólemin arttyrý joldaryn atady.</p>

«Elimizdiń áleýmettik-ekonomıkalyq damýynyń 2025-2029 jyldarǵa arnalǵan boljamyna jáne bazalyq stsenarııge sáıkes jalpy ishki ónimniń (JІÓ) jyl saıynǵy ósýi orta eseppen 5,4% deńgeıinde josparlanǵan. Osy kórsetkishke qol jetkizgen jaǵdaıda jalpy ishki ónim 2025 jyly 321 mıllıard dollardan 2029 jyly 498 mıllıard dollarǵa deıin artady. Osylaısha, Memleket basshysynyń JІÓ kólemin 2029 jylǵa qaraı 450 mlrd dollarǵa deıin jetkizý jónindegi tapsyrmasy oryndalatyn bolady», - dedi Oljas Bektenov Májilistiń jalpy otyrysynda 2025-2027 jyldarǵa arnalǵan respýblıkalyq bıýdjetti talqylaý barysynda. 

Premer-mınıstrdiń aıtýynsha, 2025-2029 jyldarǵa arnalǵan bazalyq stsenarııge sáıkes, jyl saıyn jalpy ishki ónim 5,6%-dan 6,9%-ǵa aralyǵynda artyp otyrýy tıis. 

«Bul maqsatqa jetý úshin ekonomıkany ártaraptandyrý, onyń kúrdeliligin arttyrý, elde joǵary qaıta bólingen ónim óndirisin iske qosýdy uıymdastyrý, shıkizatqa táýeldilikten bas tartý boıynsha belsendi jumys qajet. Bıyl toǵyz aıdyń qorytyndysy boıynsha JІÓ ósimi 4%-ǵa jetti», - deıdi ol. 

Buǵan deıin Oljas Bektenov turǵyn úı-kommýnaldyq sharýashylyǵy týraly ulttyq jobanyń daıyn bolyp qalǵanyn aıtty. Onyń aıtýynsha, atalǵan salaǵa 2029-2030 jyldary shamamen 10 trln teńge ınvestıtsııa tartylmaq.