2029 jylǵa deıin munaı hımııasy salasynda quny $14,3 mlrd bolatyn 5 iri joba iske asyrylmaq
Munaı-gaz hımııasy salasyn odan ári damytý eldiń ekonomıkalyq ósýiniń negizi bolyp tabylady. Energetıka mınıstrligi osy baǵytta keshendi jumys júrgizip jatyr. Onyń ishinde 2029 jylǵa deıin quny shamamen $14,3 mlrd bolatyn 5 iri jobany iske asyrý josparlanǵan.
«Osy jobalardy iske asyrý ekonomıkanyń jyl saıynǵy ósimin 1,5%-ǵa arttyrýǵa, sondaı-aq 20 myńǵa jýyq jumys ornyn qurýǵa múmkindik beredi. Onyń ishinde qurylys kezeńinde 17 myń jáne paıdalanýǵa berilgen soń 3 myń jumys orny qurylady», – dedi energetıka mınıstri Almasadam Sátqalıev Úkimet otyrysynda.
Bıylǵy jyldyń ózinde qýattylyǵy 340 myń tonnaǵa deıingi býtadıen jáne onyń týyndylaryn óndiretin jobanyń qurylysy bastalady. Sondaı-aq qýattylyǵy 1,2 mıllıon tonna polıetılen óndirý boıynsha el tarıhyndaǵy eń iri jobalardyń birine ınvestıtsııa salý týraly sheshim qabyldanady.