2028 jylǵa qaraı mashına jasaý salasynda ónim óndirý kólemi 2,2 esege ulǵaıtylady
«Salany odan ári sapaly damytý maqsatynda Memleket basshysynyń tapsyrmasyna sáıkes, Mashına jasaýdy damytýdyń 2024-2028 jyldarǵa arnalǵan keshendi josparynyń jobasy ázirlendi. Qujat aıasynda kelesi mindetter aıqyndaldy. Birinshiden - óndirýshilerdi bastapqy materıaldarmen qamtamasyz etý, kadrlyq áleýetti, sondaı-aq ǵylymı-zertteý jáne tájirıbelik qurastyrymdyq jumystardy damytý arqyly bazalyq jaǵdaılardy jaqsartý. Ekinshiden - mashına jasaý ónimderin ótkizýdi yntalandyrý jáne tehnıkalyq retteý júıesin jetildirý arqyly otandyq ónimdi ilgeriletý. Úshinshiden - mashına jasaýdyń basym sektorlaryn ár sektorǵa baǵyttala otyryp damytý», - dedi mınıstr.
Onyń atap ótýinshe, keshendi jospardy iske asyrý 2028 jylǵa qaraı ónim óndirý kólemin 2,2 esege ulǵaıtý, eńbek ónimdiliginiń 1,9 ese ósýi, eksporttyq jetkizilim kólemin 5 mlrd 700 mln AQSh dollarǵa deıin ulǵaıtý, salaǵa ınvestıtsııalardyń ósýin 1,5 esege arttyrý syndy nysanaly ındıkatorlarǵa qol jetkizýge múmkindik beredi.
«Keshendi jospar salanyń áleýetin tolyq kólemde iske asyrýǵa jáne onyń uzaq merzimdi damýyn qamtamasyz etedi», - dedi Marat Qarabaev.