2028 jylǵy Jazǵy Olımpıada baǵdarlamasyna 5 oıyn túri engizildi

<p>Halyqaralyq Olımpıada komıteti 2028 jylǵy Jazǵy Olımpıada baǵdarlamasyna bes oıyn túrin engizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Álem jurtshylyǵy AQSh-ty atalǵan saıys­ty eń kóp uıymdastyrǵan el retinde tanıdy. Onda 4 ret jazǵy jáne 4 ret qysqy Olımpıada ótken. 

Jazǵy Olımpıada baǵdarlamasyna qatysýshylar flag-fýtbol, krıket, lakross, skvosh, beısboldan júldeni sarapqa salady. Aıta ketsek, olardyń arasynan birqatar sport túri burynǵy jyldarda Olımpıada baǵdarlamasynda bar bolatyn. Alaıda ártúrli sebepke baılanysty Olımpıada baǵdarlamasynan alynyp tastalǵan edi.

Atap aıtqanda, krıket Olımpıada baǵdarlamasyna 128 jyldan keıin qaıta oralsa, beısboldan budan buryn 1992, 1996, 2000, 2004, 2008 jáne 2020 jyldarda júldeler sarapqa salyndy. 

Dúbirli doda 2028 jyldyń 14-30 shilde aralyǵynda AQSh-tyń Los-Andjeles qalasynda ótedi. Bul qalada budan buryn 1932 jáne 1984 jyldary atalǵan dúbirli doda ótkizilgen bolatyn. Al 2024 jyly dúbirli doda Frantsııa astanasy Parıj qalasynda jalaýyn kóteredi.