2027 jylǵa qaraı Almatyda jeńil relsti kólik jelisi iske qosylady

<p>Jańa LRT jeńil relsti tramvaı júıesiniń birinshi bóligin 2027 jylǵa deıin salý josparlanyp otyr. Ol B.Momyshuly, Tóle bı kóshelerimen jáne Raıymbek dańǵylymen qalanyń shyǵys shekarasyna deıingi aýmaqty qamtıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bul týraly 2030 jylǵa deıingi qalanyń kólik qańqasynyń sheber-josparyn tanystyrý sharasy barysynda jobany ázirleýge atsalysqan Aleksandr Ovanesov aıtty.

«Kólik qańqasy BRT, LRT jáne metro sııaqty joǵary jyldamdyqty qoǵamdyq kólikterdiń damýyna negizdelgen. 2030 jylǵa qaraı qalada uzyndyǵy shamamen 300 km bolatyn 42 kólik dálizi qurylady. Qalanyń qalǵan bólikterine turǵyndarǵa 10-15 mınýt ishinde jaqyn mańdaǵy jedel kólik aıaldamasyna jetýge múmkindik beretin tasymaldaý marshrýttaryn iske qosý josparlanǵan», - dedi Aleksandr Ovanesov.

Sonymen qatar, ol qoldanystaǵy metro jelisi Almatynyń batys shekarasyna deıin tartylǵanyn tilge tıek etti.

Almaty ákimdiginiń habarlaýynsha, kólik qańqasynyń ınfraqurylymyn qurýǵa 5 jyldan 7 jylǵa deıin ýaqyt qajet. Bul Almatynyń qoǵamdyq kóligin júıeli transformatsııalaý elementteriniń biri bolady. Mysaly, BRT jyljymaly quramynyń baǵalaý parki (avtobýstar, elektrobýstar, trolleıbýstar) 3,9 myń birlik. Jolaýshylar ınfraqurylymyn qoldanystaǵy 1208 aıaldamadan 1245 aıaldamaǵa deıin keńeıtý kózdelip otyr.

Infraqurylymdy salýmen qatar, qala qoǵamdyq kóliktiń yńǵaılylyǵy men qoljetimdiligin arttyrý boıynsha uıymdastyrýshylyq sharalardy da engizedi.

Kelesi jyly jol aqysyn tóleýdiń kóp nusqasyn (birjolǵy bıletter, abonementter), sonyń ishinde sapar aıasynda bir baǵyttan ekinshi baǵytqa tegin aýysý múmkindigin qamtıtyn jańa tarıf ázirlenip, engiziledi.

Sonymen qatar, avtobýs marshrýttaryn ońtaılandyryp, olardyń turaqty ári jıi qozǵalysyn qamtamasyz etý josparlanǵan.