2026 jylǵy Olımpıadany ótkizýge úmitker elder anyqtaldy

ASTANA. QazAqparat - Halyqaralyq Olımpıada komıteti 2026 jylǵy qysqy Olımpıada jáne Paralımpıada oıyndaryn ótkizýge nıetti jeti eldiń tizimin jarııalady. Bul týraly TASS habarlaıdy.

Avstrııa UOK Olımpıada ótkizýge úmitker retinde Grats qalasyn, Kanada UOK - Kalgarı, Japonııa UOK - Sapporo, Shvetsııa UOK - Stokgolm, Shveıtsarııa UOK - Son, Túrkııa UOK - Erzýrým qalalaryn usyndy. Italııa UOK Oıyndardy Kortına-d'Ampetstso, Mılan nemese Týrın qalalarynda ótkizýge usynys jasady.

«Men qysqy Olımpıada oıyndaryn ótkizýge qyzyǵýshylyq tanytyp otyrǵan barlyq elder men qalalarǵa ystyq lebizimdi bildiremin. Biz álem sportshylary qatysatyn Olımpıada oıyndaryn uıymdastyrý úshin eń úzdik qalany tańdap alǵymyz keledi, - dep málim etti HOK prezıdenti Tomas Bah.

2026 jylǵy qysqy Olımpıada jáne Paralımpıada oıyndary ótetin qala 2019 jyldyń qyrkúıeginde HOK sessııasynda tańdap alynady.