2026 jylǵa deıin mamandardy daıarlaýdyń aldyn-ala boljaý úlgisine kóshemiz – vıtse-mınıstr

ASTANA. QazAqparat – Ortalyq kommýnıkatsııalar qyzmetinde ótken brııngte QR Ǵylym jáne joǵary bilim vıtse-mınıstri Qýanysh Erǵalıev 2026 jylǵa deıin joǵary bilimdi damytýdyń basym baǵyttaryn atady, dep habarlaıdy QazAqparat tilshisi.

«Qazirgi tańda joǵary bilim salasyndaǵy ulttyq saıasattyń eń basty mindeti – ol joǵary bilimniń básekege qabilettiligin arttyrý jáne de «bilim ekonomıkasyna» qajetti joǵary bilikti mamandardy daıarlaý. Osy mindetterdi oryndaý úshin búginde biz strategııalyq basymdyqtardy naqty aıqyndap, birqatar baǵdarlamalyq qujattardy bekittik. Bul – ýnıversıtetterdiń avtonomııasy týraly zań, «Bilimdi ult» sapaly bilim berý ulttyq jobasy, 2022-2026 jyldardy qamtıtyn QR Bilimdi damytýdyń tujyrymdamasy», - dep atap ótti Qýanysh Erǵalıev.

Vıtse-mınıstrdiń málimetine sáıkes, 2026 jylǵa deıingi joǵary bilimdi damytýdyń basty baǵyttaryna mynalar kiredi:

- joǵary jáne joǵary oqý ornynan keıingi bilimge qoljetimdilikti keńeıtý;

- mamandardy daıarlaýdyń aldyn-ala boljaý modeline kóshý;

- joǵary jáne joǵary oqý ornynan keıingi bilimniń básekege qabilettiligin kóterý jáne mazmundy jańartý;

- joǵary bilimdegi tsıfrovızatsııalaý;

- ýnıversıtetterdegi basqarý júıesin jetildirý;

- joǵary bilimdegi ınternatsıonalızatsııalaý;

- joǵary bilim júıesiniń sapasyn qamtamasyz etý.

Foto: ortcom.kz