2026 jyly «Bolashaqtyń oıyndary» Qazaqstanda ótedi

<p>ASTANA. KAZINFORM &ndash; Qazaqstan 2026 jylǵy dástúrli sport túrleri men kıbersportty biriktiretin biregeı týrnır &ndash; Phygital Games of the Future ótkizý múmkindigine ıe boldy. Bul týraly QR Týrızm jáne sport mınıstrligi málimdedi.</p>

Bul týrnırdi ótkizý quqyǵyna Qazaqstannan bólek, Perý men Chılı memleketteri úmitker bolǵan edi. Qatysýshylar jarysta fızıkalyq jáne tsıfrlyq formattardy biriktiretin baǵdarlamalarda synǵa túsedi.

«Bolashaqtyń oıyndaryn» Qazaqstanda ótkizý bastamasyn Prezıdent Qasym-Jomart Toqaev 2024 jyly Qazan qalasynda ótken alǵashqy oıyndardyń ashylý saltanatynda usynǵan edi. Kelesi jylǵy týrnır BAÁ-de, al 2026 jyly Astanada ótetin bolyp bekitildi.

«Qazaqstanda kıbersport qarqyndy damyp keledi. 2018 jyldan beri Qazaqstan aýmaǵynda 140-tan astam kıbersport týrnıri uıymdastyryldy. Oǵan 40 myńnan asa adam qatysty. Biz «Bolashaqtyń oıyndaryn» sátti ótkizý úshin barlyq kúshimizdi salamyz», – - dedi QR Týrızm jáne sport mınıstrligi Sport jáne dene shynyqtyrý isteri komıteti tóraǵasynyń mindetin atqarýshy Rollan Serikov 2026 jyly «Bolashaq oıyndaryn» uıymdastyrýshy eldiń jarııalanýyna arnalǵan is-sharada.

Buǵan deıin Phygital International ókilderi týrnırdi Qazaqstanda ótkizý múmkindigin baǵalaý úshin Astanaǵa kelgen edi. Qazaqstan kıbersport federatsııasy 2026 jyly Astanada ótetin «Bolashaqtyń oıyndaryna» daıyndyqty bastady.