2026-27 jyldary Ulttyq qordan alatyn transfert 2 trln teńgeden kóp bolýy múmkin – Ulttyq bank

<p>ASTANA. KAZINFORM &ndash; Ulttyq bank tóraǵasy Tımýr Súleımenov Úkimet otyrysynda salyq reformasy bıýdjet kirisine oń áser etpese, Ulttyq qordyń qarajaty ortaıa beretinin aıtty.</p>

«Ulttyq qor parametrleriniń boljamy bıyl jáne kelesi jyldaǵy transfertterdi tartý týraly sheshimderge negizdelgen. Nátıjesinde Ulttyq qordyń taza valıýtalyq aktıvteri 2025 jyly 53,8 mlrd dollar deńgeıinde baǵalanady. Al 2027 jyly 74 mlrd dollarǵa deıin ósedi. Bul somaǵa oblıgatsııalyq nesıelerdiń, «Qazatomónerkásiptiń» aktsııalaryn satyp alý kiredi. 2025 jyly 5,4 trln teńge somasynda qarajat tartý josparlanyp otyr. Al keıingi boljam jasalǵan jyldary transfertter kólemi tarıhı kólemnen edáýir tómen bolady. Atap aıtqanda, 2026-2027 jyldar transfertter somasy tek 2 trln teńge bolady», - dedi ol.

Tımýr Súleımenov Úkimettiń Ulttyq qor aqshasyna baılanysty jospary osyndaı bolǵanymen, onyń oryndalmaı qalýy múmkin ekenin aıtady.

«Atalǵan jyldarda nysanaly transfert kózdelmegen. Biz, árıne, Ulttyq qordan qarajat tartýdy azaıtý sharalaryn qoldaımyz. Sonymen birge, eger, salyq reformasy aıasynda respýblıkalyq bıýdjettiń kirisin edáýir arttyrýǵa baǵyttalǵan eleýli jáne júıeli sharalar iske asyrylmasa, 2026-27 jyldary Ulttyq qordan qosymsha qarajat alýdy talap etetin táýekel bar, joq emes», - dedi Ulttyq bank basshysy.