2025 jyly qazaqstandyqtar 89 elge vızasyz saparlaıtyn bolady
«Elbasynyń kópvektorly syrtqy saıası baǵytyn jáne Memleket basshysynyń halyqaralyq bastamalaryn iske asyrý jalǵasady. 2022 jáne 2025 jyldary Álemdik jáne dástúrli dinder kóshbasshylarynyń sezi ótkiziledi. Shetelde oqıtyn jáne jumys isteıtin qazaqstandyqtar men Qazaqstannan asyrap alynǵan balalardyń quqyqtary men múddelerin qorǵaý qamtamasyz etiledi. Negizgi strategııalyq áriptestermen qatynastardy nyǵaıtý boıynsha jumys jalǵasady», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.
Onyń atap ótýinshe, Eýrazııalyq ekonomıkalyq odaq aıasyndaǵy ıntegratsııa, qazaqstandyq bastamalardy ilgeriletý, ShYU, BRIKS, IYU elderimen áriptestik jalǵasa beredi.
«Sonymen qatar Qazaqstannyń ýákiletti memlekettik organdary ókilderiniń BUU jáne basqa da halyqaralyq áriptesterdiń is-sharalaryna qatysýy qamtamasyz etiledi. 2021 jyly vızasyz rejım elderiniń tizimi keńeıip, 77 elden turatyn bolady. Al keıin2025jyly 89 elge deıin keńeıedi», - dedi Asqar Mamın.