2025 jyly Qazaqstan halqy 100 paıyz taza aýyz sýmen qamtylady
«Ótken jyldyń qorytyndysynda el halqynyń 94 paıyzy sýmen jabdyqtaý qyzmetterimen qamtamasyz etildi. Bul 17 mln 700 myń adamdy qamtıdy. Memleket basshysy júktegen tapsyrmalardy oryndaý úshin shamamen 1 mln 300 myń azamatymyz turyp jatqan 1 922 aýyldyq eldi mekendge ortalyqtandyrylǵan sýmen jabdyqtaý jáne sý tazartý júııelerin salý mindeti oryndalatyn bolady. Osylaısha, 2025 jylǵa qaraı el halqy 100 paıyz taza aýyz sýmen qamtamasyz etiledi», - dedi ol Úkimet úıinde ótken baspasóz máslıhatynda.
Sonymen qatar vıtse-premer Memleket basshysynyń bıylǵy Joldaýyndaǵy qalalar men aýyldardy damytý tapsyrmasyn oryndaý úshin Úkimet qandaı jumystar atqaratyndyǵyna toqtaldy.
«Úkimet qalalar men aýyldyq eldi mekenderdi damytý úshin mynadaı baǵyttarǵa basa nazar aýdarady: kásipkerlik qoldaý, zákirlik jobalardy júzege asyrý arqyly ekonomıkany ártaraptandyrý, ınjenerlik ınfraqurylymdardy salý jáne jańǵyrtý, kólik baılanysy problemalaryn sheshý, áleýmettik-ekonomıkalyq damý keshendi josparlaryn júzege asyrý jáne basqalary», - dedi Roman Sklıar.